શૌવિક ચક્રવર્તીના સ્કૂલના ફ્રેન્ડ સૂર્યદીપ મલ્હોત્રાની ધરપકડ કરાઈ

Published: Sep 15, 2020, 09:43 IST | Gujarati Mid-day Correspondent | Mumbai

સુશાંત સિંહ રાજપૂતની હત્યામાં ડ્રગ્સ-ઍન્ગલની તપાસ કરી રહેલી એનસીબીએ દરોડો પાડી કાર્યવાહી કરી

શૌવિક ચક્રવર્તી અને રિયા ચક્રવર્તી
શૌવિક ચક્રવર્તી અને રિયા ચક્રવર્તી

એસએસઆર કેસ ડ્રગ-ઍન્ગલમાં એનસીબીની તપાસ આગળ વધી છે. એનસીબીએ રિયા ચક્રવર્તીના ભાઈ શૌવિક ચક્રવર્તીના સ્કૂલ-ટાઇમ ફ્રેન્ડ સૂર્યદીપ મલ્હોત્રાના ઘરે દરોડો પાડીને તેની ગઈ કાલે ધરપકડ કરી હતી. એક ટીવી ચૅનલને જણાવ્યું હતું કે આ તપાસમાં સામેલ થનારા અને ધરપકડ કરાયેલા લોકોમાં સૂર્યદીપ મલ્હોત્રા એક નવું નામ છે.

રવિવારે એનસીબીએ ડ્રગ કેસમાં કરમજિત સિંહ, ડ્વેન ફર્નાન્ડીઝ, સંકેત પટેલ, અંકુશ અર્નેજા, સંદીપ ગુપ્તા અને આફતાબ ફતેહ અન્સારી નામની છ વ્યક્તિની ધરપકડ કરી હતી. તેમને વિડિયો-કૉન્ફરન્સિંગ દ્વારા ઍડિશનલ ચીફ મેટ્રોપૉલિટન મૅજિસ્ટ્રેટ કોર્ટ સમક્ષ હાજર કરવામાં આવશે. આ છ વ્યક્તિઓમાં એક ઑટોરિક્ષા-ડ્રાઇવર અને એક મોટી રેસ્ટોરાંના માલિકનો સમાવેશ થાય છે. એનસીબી મુંબઈ ઝોનલ યુનિટ ટીમ દ્વારા સમીર વાનખેડેની આગેવાનીમાં મુંબઈ અને ગોવામાંથી ધરપકડ કરાયા હતા તથા તેમને મુંબઈમાં એક મૅજિસ્ટ્રેટ સમક્ષ વિડિયો-કૉન્ફરન્સિંગના માધ્યમથી હાજર કરવામાં આવશે એમ એનસીબીના નાયબ ડિરેક્ટર કે. પી. એસ. મલ્હોત્રાએ જણાવ્યું હતું.

જોકે ઝોનલ ડિરેક્ટર સમીર છાબરાએ જણાવ્યું હતું કે તેમને હજી સુધી સેલિબ્રિટીના નામ વિશે કઈ માહિતી મળી નથી. સૂર્યદીપ મલ્હોત્રાની ધરપકડ પછી એ‌નસીબીને હવે ડ્રગ્સ મામલામાં નવી કડીઓ મળશે એવી આશા રખાય છે. જોકે હજી સુધી રિયા સિવાય કોઈ મોટી સેલિબ્રિટીની આ કેસમાં અરેસ્ટ નથી થઈ.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK