તાતા-બિરલા-બાટાવાળા સૉન્ગ સાથે ‘ચક્રવ્યૂહ’ને રિલીઝ કરવા સુપ્રીમની મંજૂરી

Published: 20th October, 2012 06:05 IST

સુપ્રીમ કોર્ટે ગઈ કાલે તાતા, બિરલા, બાટા શબ્દો ધરાવતા વિવાદાસ્પદ સૉન્ગ સાથે ફિલ્મ ‘ચક્રવ્યૂહ’ને રિલીઝ કરવાની ફિલ્મના નિર્દેશક પ્રકાશ ઝાને મંજૂરી આપી દીધી છે.

સુપ્રીમ કોર્ટે જોકે એવી શરત મૂકી છે કે ફિલ્મમાં આ સૉન્ગમાં જ્યારે તાતા, બિરલા અને બાટાનો ઉલ્લેખ થશે ત્યારે આ નામનો ઉલ્લેખ જે-તે ઉદ્યોગપતિઓની ઇમેજને નુકસાન પહોંચાડવાના હેતુસર નથી કરવામાં આવ્યો એવી સ્પષ્ટતા કરતું સ્ટેટમેન્ટ દર્શાવવું પડશે.

સુપ્રીમ કોર્ટના ચીફ જસ્ટિસ અલ્તમસ કબીરના વડપણ હેઠળની બેન્ચે ગઈ કાલે આ આદેશ આપતાં ફિલ્મમેકરને ભવિષ્યમાં કોઈની લાગણીને ઠેસ ન પહોંચે એનું ધ્યાન રાખવાની તાકીદ કરી હતી. જાણીતી શૂ-મેકર કંપની બાટાએ આ ફિલ્મના સૉન્ગમાં તેમના નામના ઉલ્લેખ સામે વાંધો ઉઠાવતાં આ અરજી કરી હતી. બાટા ઉપરાંત તાતા જૂથે પણ આ ગીતનો વિરોધ કર્યો હતો. અગાઉ દિલ્હી હાઈ કોર્ટે પણ ફિલ્મને વિવાદાસ્પદ સૉન્ગ સાથે રિલીઝ કરવાની મંજૂરી આપી હતી. ફિલ્મ ‘ચક્રવ્યૂહ’ ૨૪ ઑક્ટોબરે દશેરાના દિવસે રિલીઝ થશે. 

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK