૧૨મા ધોરણની પરીક્ષા એપ્રિલમાં અને ૧૦મા ધોરણની મેમાં
પ્રતીકાત્મક તસવીર
કોરોના મહામારીને કારણે વિદ્યાર્થીઓના ભણતરને ઘણી અસર પડી છે એમાં ગઈ કાલે સ્કૂલ એજ્યુકેશન મિનિસ્ટર વર્ષા ગાયકવાડે ધોરણ દસમા અને બારમાની સ્ટેટ બોર્ડ પરીક્ષાની અંદાજિત તારીખ જાહેર કરી હતી.
વર્ષા ગાયકવાડે કહ્યું કે ‘મહારાષ્ટ્ર સ્ટેટ બોર્ડની પરીક્ષા માટે ઘણી મહેનત કરવામાં આવી રહી છે. ૧૫ એપ્રિલ બાદ બારમા ધોરણની પરીક્ષા, જ્યારે દસમા ધોરણની પરીક્ષા ૧ મે પછી યોજવાની યોજના બનાવવામાં આવી રહી છે.’
ADVERTISEMENT
મંત્રાલયના સૂત્રોએ જણાવ્યું કે ‘પરીક્ષાના પ્લાનિંગ મુજબ આ અંદાજિત તારીખો છે છતાં પરીક્ષાની અંતિમ તારીખ, જરૂરી માહિતીઓ અને ટાઇમ-ટેબલ મહારાષ્ટ્ર સ્ટેટ બોર્ડ દ્વારા સત્તાવાર રીતે જાહેર કરવામાં આવશે.’