એસપીજી, એનએસજી, સીક્રેટ સર્વિસ દ્વારા ચુસ્ત સુરક્ષા વ્યવસ્થા ગોઠવાઈ
અમેરિકાના રાષ્ટ્રપ્રમુખ અને પીએમ મોદીની ૨૪ ફેબ્રુઆરીની મુલાકાતને લઈ અમદાવાદ ક્રાઇમ બ્રાન્ચે ઍક્શન પ્લાન તૈયાર કર્યો છે. ટ્રમ્પ અને મોદીની ચુસ્ત સુરક્ષા વ્યવસ્થા ગોઠવવાની તૈયારીઓ થઈ ગઈ છે. આ અંગે સ્પેશ્યલ પોલીસ-કમિશનર અજય તોમરે જણાવ્યું કે ટ્રમ્પના ભારત પ્રવાસને લઈ એજન્સીઓ સતર્ક છે. અમદાવાદ પોલીસ અને વહીવટી તંત્ર માટે આ મોટું આયોજન છે. સીક્રેટ સર્વિસ, એસપીજી, એનએસજી, એટીએસ, ક્રાઇમ બ્રાન્ચ, રૅપિડ ઍક્શન ફોર્સ અને ઇન્ટેલિજન્સ એજન્સીઓ સાથે સંકલન કરીને આ વ્યવસ્થા ગોઠવવામાં આવી રહી છે. તેમ જ એસઆરપી અને ચેતક કમાન્ડો પણ ફરજ પર રહેશે. આ દરમિયાન મેટલ ડિટેક્ટર અને ઍન્ટિ-ડ્રોન ટેક્નૉલૉજીનો પણ ઉપયોગ કરવામાં આવશે.