દિલ્હીથી મુંબઈ આવી પહોંચી હાઈ સ્પીડ ટૅલ્ગો ટ્રેન
શશાંક રાવ
હાઈ સ્પીડ ટૅલ્ગો ટ્રેન ગઈ કાલે ત્રીજા તબક્કાની અંતિમ ટ્રાયલ પૂરી કરીને દિલ્હીથી મુંબઈ પહોંચી હતી અને એની ટ્રાયલ સફળ રહી હતી, પરંતુ ટ્રેન નર્ધિારિત સમય કરતાં ત્રણ કલાક મોડી પહોંચી હતી. સોમવારે સાંજે ૭.૫૫ વાગ્યે દિલ્હીથી ઊપડેલી ટૅલ્ગો ટ્રેન ઉદવાડા-વાપી-ભિલાડમાં પડેલા ભારે વરસાદને પગલે ગઈ કાલે સવારે ૧૧.૩૬ વાગ્યે એટલે કે ૧૫ કલાક ૪૧ મિનિટે મુંબઈ પહોંચી હતી. 
ADVERTISEMENT
પ્રતિ કલાક ૯૦થી ૧૦૦ કિલોમીટર ઍવરેજની સ્પીડે દોડતી ટૅલ્ગો ટ્રેન પ્રતિ કલાક વધુમાં વધુ ૧૩૦થી ૧૫૦ કિલોમીટરની સ્પીડે દોડે છે. હાલની રાજધાની એક્સપ્રેસ જેવી સુપરફાસ્ટ ટ્રેન દિલ્હીથી મુંબઈ સેન્ટ્રલ રૂટ માટે ૧૫ કલાક ૫૦ મિનિટનો સમય લે છે. ટૅલ્ગો ટ્રેનની વધુ ટ્રાયલ ૧૧ અને ૧૨ ઑગસ્ટે થશે.
