Corona Vaccine માટે આવેલાએ નર્સને કર્યું પ્રપૉઝ, જાણો વધુ
પ્રતીકાત્મક તસવીર
વિશ્વભરના અનેક દેશોમાં વેક્સીનેશનની પ્રક્રિયા શરૂ થઈ ગઈ છે. આ દરમિયાન અમેરિકામાં કોરોના વેક્સીન મૂકાવવા આવેલાએ સેંટરમાં જ પુરુષ નર્સને લગ્ન માટે પ્રપૉઝ કરી દીધું. આ જોઇ ત્યાં ઊભેલા બધાં ચોંકી ગયા.
પાંચ વર્ષથી હતા રિલેશનશિપમાં
મળતી માહિતી પ્રમાણે, 31 વર્ષના નર્સ ટેસ્ટિંગ હેલ્પર રૉબી વર્ગસ કોર્ટેસ અને નર્સ એરિક વર્ડેરલી છેલ્લા 5 વર્ષથી એકબીજા સાથે રિલેશનશિપમાં હતા. અને તાજેતરમાં જ કોર્ટેસને અમેરિકાના સાઉથ ડકોટા (South Dakota)ના એક હૉસ્પિટલમાં વેક્સીન મૂકાવવા માટે અપોઇન્ટમેન્ટ મળી હતી.
ADVERTISEMENT
વેક્સીનેશન સેન્ટરમાં પ્રપૉઝ કરવાનો બનાવ્યો પ્લાન
આ દરમિયાન તેમને ખબર પડી કે બૉયફ્રેન્ડ પણ વેક્સીન મૂકાવવા આ હૉસ્પિટલમાં કામ કરી રહ્યો છે. આ કારણે તેણે વેક્સીનેશનના દિવસે સેન્ટરમાં પોતાના બૉયફ્રેન્ડને સરપ્રાઇઝ આપવાનો નિર્ણય લીધો.
બૉયફ્રેન્ડને નહોતો પ્રપૉઝનો અંદાજો
સીએનએનના રિપોર્ટ પ્રમાણે, પુરુષ નર્સ એરિક વર્ડેરલીને કોઇપણ અંદાજો નહોતો કે તેનો બૉયફ્રેન્ડ વેક્સીનેશન સેન્ટરમાં જ તેને પ્રપૉઝ કરવાનો છે. જો કે, વર્ડેરલીએ પ્રપૉઝિલને તરત સ્વીકારી લીધો અને લગ્ન માટે હા પાડી દીધી.
કોર્ટેસ પૂરી તૈયારી સાથે આવ્યો હતો. વર્ડેરલીના હા કહેતા જ તેણે પોતાના ખિસ્સામાંથી વીંટી કાઢી અને તેને પહેરાવી દીધી. ત્યાર પછી બન્ને ખૂબ જ ઇમોશનલ થઈ ગયા અને તેઓ એકબીજાને ભેટી પડ્યા. ગે કપલના પ્રપૉઝલનો આ વીડિયો હાલ સોશિયલ મીડિયા પર વાયરલ થઈ રહ્યો છે.
કોર્ટેસ જણાવે છે કે પ્રપૉઝ કરવા માટે તેની પાસે 3 વર્ષથી વીંટી હતી. પણ તે ખાસ અવસરની શોધમાં હતો. કપલે એ પણ જણાવ્યું કે તે મહામારી ખતમ થયા પછી જ લગ્ન કરશે.
