વિશ્વની સૌથી પ્રભાવશાળી ૫૦ હસ્તીઓમાં સોનિયા ગાંધી અને રતન તાતાનો સમાવેશ

Published: 26th September, 2011 20:34 IST

લંડન: યુકેના મૅગેઝિન ‘ન્યુ સ્ટેટ્સમેન’ દ્વારા કરવામાં આવેલા સર્વે મુજબ વિશ્વની સૌથી પ્રભાવશાળી ૫૦ હસ્તીઓમાં કૉન્ગ્રેસનાં અધ્યક્ષ સોનિયા ગાંધી તથા તાતા ગ્રુપના ચૅરમૅન રતન તાતાનો સમાવેશ છે. જર્મન ચાન્સેલર એન્જલ મર્કલ આ સર્વેમાં સૌથી પ્રથમ સ્થાને આવે છે.

 

 

આ સર્વેમાં કૉન્ગ્રેસનાં અધ્યક્ષ સોનિયા ગાંધીને ‘મૅડમ ઇન્ડિયા’ કહેવામાં આવ્યાં છે, જ્યારે રતન તાતા માટે ‘મેટલ હેડ’ એવો શબ્દપ્રયોગ કરવામાં આવ્યો છે.


ઇટલીમાં જન્મેલાં સોનિયા ગાંધીને ભારતના રાજકારણીઓમાં સૌથી પ્રભાવશાળી માનવામાં આવે છે. યુપીએ (યુનાઇટેડ પ્રોગ્રેસિવ અલાયન્સ)નાં ચૅરપર્સન સોનિયા ગાંધી સતત ચોથી વખત ઇન્ડિયન નૅશનલ કૉન્ગ્રેસનાં અધ્યક્ષ તરીકે ચૂંટાયાં હોય એવી પ્રથમ વ્યક્તિ છે.

 

કૉન્ગ્રેસનાં અધ્યક્ષને મૅડમ ઇન્ડિયા અને તાતા જૂથના ચૅરમૅનને મેટલ હેડ ગણાવવામાં આવ્યા


તાતા જૂથે બ્રિટિશ સ્ટીલ કંપની કોરસ તથા પ્રતિષ્ઠિત જૅગ્વાર લૅન્ડરોવર કાર ખરીદી લેતાં તેમનું કદ વૈશ્વિક સ્તરે વિશાળ બની ગયું છે. થોડા સમય પહેલાં તેમણે એવું બયાન કર્યું હતું કે તેમનો ઉત્તરાધિકારી ભારતીય હોય એવું જરૂરી નથી. આ સ્ટેટમેન્ટે પણ તેમના વૈશ્વિક વ્યક્તિત્વમાં મહkવપૂર્ણ ભૂમિકા ભજવી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK