આ દિવાળીમાં SMS કરવા કરતાં કૉલ કરવા સસ્તા પડશે

Published: 11th November, 2012 04:40 IST

મુંબઈ સહિત મહારાષ્ટ્રની બધી જ મોબાઇલ ઑપરેટર કંપનીઓએ ૧૨ અને ૧૩ નવેમ્બરે એટલે કે દિવાળીના આગલા દિવસે અને દિવાળીના દિવસે બ્લૅકઆઉટ ડે રાખ્યો છે જેને કારણે સામાન્ય મોબાઇલ યુઝર્સે વધુ પૈસા ચૂકવવા પડશે. ગ્રાહકોને કોઈ પણ છૂટ ન આપતાં નૅશનલ અને ઇન્ટરનૅશનલ SMS માટે રેગ્યુલર યોજના પ્રમાણે જ ચાર્જ વસૂલ કરવામાં આવશે એમ મોબાઇલ ઑપરેટર કંપનીઓએ કહ્યું છે.



ભારતી ઍરટેલ, રિલાયન્સ કમ્યુનિકેશન (જીએસએમ અને સીડીએમએ પ્રી-પેઇડ અને પોસ્ટ-પેઇડ), વોડાફોન, આઇડિયા સેલ્યુલર, ઍરસેલ, યુનિનોર, વિડિયોકોન, તાતા ટેલિ-સર્વિસિસ, લૂપ મોબાઇલ, એમટીએનએલ અને બીએસએનએલ કંપનીઓએ ૧૨ અને ૧૩ નવેમ્બરે બ્લૅકઆઉટ ડે જાહેર કર્યો છે.

લૂપનો મુંબઈમાં તો બીએસએનએલનો બાકીના મહારાષ્ટ્રમાં બ્લૅકઆઉટ ડે હશે. દરેક SMS માટે એક રૂપિયો ચાર્જ કરવામાં આવશે એમ લૂપે જાહેર કર્યું છે. મોબાઇલ સર્વિસ ઑપરેટરોએ નક્કી કરેલા અને સિલેક્ટ કરેલા પ્લાન મુજબ SMSનો ચાર્જ લેવામાં આવશે. અનેક કંપનીઓએ કૉમ્પિટિશનને કારણે કૉલચાર્જિસ ઘટાડ્યા હોવાથી આ દિવસો દરમ્યાન SMS કરવા કરતાં કૉલ કરવો સસ્તું પડી શકે એમ છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK