એક ઔર નિર્ભયા : રાજસ્થાનમાં છ વર્ષની બાળકીની દુષ્કર્મ બાદ હત્યા

Published: Dec 02, 2019, 13:34 IST | Rajasthan

રાજસ્થાનના ટોંક જિલ્લામાં એક ખૂબ જ ઘૃણાસ્પદ ઘટના બની છે. અહીં માત્ર 6 વર્ષની માસૂમ બાળકી સાથે દુષ્કર્મ કર્યા બાદ તેના જ સ્કૂલ-બેલ્ટથી તેનું ગળું ટૂંપી દઈ ક્રૂર હત્યા કરવામાં આવી. માસૂમનો મૃતદેહ રવિવારે ઝાડી-ઝાંખરામાંથી મળી આવ્યો હતો.

રાજસ્થાનમાં 6 વર્ષની બાળકી પર દુષ્કર્મ કરી હત્યા કરાઇ (PC : Rajasthan Patrika)
રાજસ્થાનમાં 6 વર્ષની બાળકી પર દુષ્કર્મ કરી હત્યા કરાઇ (PC : Rajasthan Patrika)

(જી.એન.એસ.) રાજસ્થાનના ટોંક જિલ્લામાં એક ખૂબ જ ઘૃણાસ્પદ ઘટના બની છે. અહીં માત્ર 6 વર્ષની માસૂમ બાળકી સાથે દુષ્કર્મ કર્યા બાદ તેના જ સ્કૂલ-બેલ્ટથી તેનું ગળું ટૂંપી દઈ ક્રૂર હત્યા કરવામાં આવી. માસૂમનો મૃતદેહ રવિવારે ઝાડી-ઝાંખરામાંથી મળી આવ્યો હતો. ઘટનાની જાણ થતાં ગામ લોકોમાં આક્રોશ ફેલાઈ ગયો છે. આ ઘટનાની જાણકારી મળતાં પોલીસ પણ ચોંકી ઊઠી છે. પોલીસ અધીક્ષક સહિત અન્ય વરિષ્ઠ અધિકારી ઘટનાસ્થળે પહોંચ્યા હતા અને મૃતદેહને પોસ્ટમૉર્ટમ માટે મોકલી આપ્યો છે. પોલીસ તપાસ કરી રહી છે.

આ ઘટના અલીગઢ પોલીસ-સ્ટેશનના વિસ્તારની છે. દુષ્કર્મ અને ત્યાર બાદ હત્યાની શિકાર બનેલી ૬ વર્ષની બાળકી પોતાના ગામની સરકારી સ્કૂલમાં ભણતી હતી. શનિવારે સ્કૂલમાં કાર્યક્રમ હોવાને કારણે તે સ્કૂલમાં જ હતી. બપોરે લગભગ ૩ વાગ્યા સુધી ઘણી મોટી સંખ્યામાં ગામ લોકો ત્યાં હાજર હતા. ત્યાર બાદ માસૂમ ઘરે નહોતી પહોંચી. પરિવારે તેને આસપાસના વિસ્તારોમાં શોધવાનો પ્રયાસ કર્યો હતો, પરંતુ તેની કોઈ ભાળ નહોતી મળી.

આ પણ જુઓ : રાજકોટના ડૉ. હિરેન ઘેલાણીએ મેળવી આ સિદ્ધી, મળવા જઈ રહ્યું છે મોટું સન્માન

રવિવારે સવારે ગામના લોકોને ખડલી ગામના મંદિરની પાછળ આવેલી ઝાડીઓમાં માસૂમનો લોહીથી ખરડાયેલો મૃતદેહ જોવા મળ્યો હતો. એની જાણ થતાં એ વિસ્તારમાં હોબાળો મચી ગયો અને ત્યાં મોટી સંખ્યામાં લોકો ભેગા થઈ ગયા હતા. હત્યારાઓએ માસૂમની હત્યા તેના સ્કૂલ-બેલ્ટથી ગળું ઘોંટીને કરી હતી. માસૂમનું ગળું એ રીતે ઘોંટવામાં આવ્યું હતું કે તેની બન્ને આંખો બહાર આવી ગઈ હતી. એ બેલ્ટ તેના ગળામાં જ લપેટાયેલો મળ્યો હતો. ગામના લોકોએ આની જાણ પોલીસને કરી હતી. ઘટના બાદ ગામના લોકોમાં ભારે આક્રોશ જોવા મળી રહ્યો છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK