સાંતાક્રુઝથી અંધેરી વિસ્તારના ગણેશ દર્શન, જુઓ તસવીરોમાં

સાંતાક્રુઝથી અંધેરી વિસ્તારના ગણેશ દર્શન, જુઓ તસવીરોમાં

ADVERTISEMENT

અંધેરી (વેસ્ટ), શિવસેના શાખા નંબર ૫૮, આંબોલી, અખિલ આંબોલી સાર્વજનિક ઉત્સવ મંડળ. વર્ષ ૪૩મું, ૧૧ દિવસ, ઊંચાઈ ૯ ફૂટ. વિશેષતા : આ મંડળે ગણેશજીના પંડાલમાં જલમહેલ બનાવ્યો છે અને ગોળ પિલર જેવી છ મોટી ટૅન્ક મૂકી એમાં વિવિધ પ્રકારની માછલીઓ રાખવામાં આવી છે. રંગીન ટિશ્યુ ક્લોથ અને લાઇટિંગની ઇફેક્ટથી મૂર્તિ ભવ્ય લાગે છે. મંડળ ઘણા સાંસ્કૃતિક કાર્યક્રમો યોજે છે. તસવીર : ઉદય દેવરુખકર

સાંતાક્રુઝ (ઈસ્ટ), સ્ટેશન રોડ નંબર ૬, સિલ્વર રેસિડન્સી બિલ્ડિંગ, ફ્લૅટ-નંબર ૭૦૩. વર્ષ ૨૧મું, ૫ દિવસ, ઊંચાઈ ૨૨ ઇંચ. વિશેષતા : દીપક મકવાણા તેમના ઘરે ઇકો-ફ્રેન્ડ્લી ગણેશજી લાવે છે. આ વખતના ઇકો-ફ્રેન્ડ્લી ગણેશજી મોરપંખ પર બિરાજમાન હતા અને ઇકો-ફ્રેન્ડ્લી મંદિરમાં એમની સ્થાપના કરવામાં આવી હતી. બાપ્પાનું મંદિર ૧૧થી ૧૨ કિલો ન્યુઝપેપરમાંથી બનાવ્યું હતું. પાંચ દિવસની અંદર આખું મંદિર તેમણે અને તેમના પરિવારજનોએ સાથે મળીને બનાવ્યું હતું. તસવીર : મેઘના શાહ