થોડા વખત પહેલાં ટીવી પર ઠૂમકા લગાવતાં હતાં અને હવે ચૂંટણીનાં પરિણામોની સમીક્ષા કરો છો

Published: 22nd December, 2012 10:27 IST

સંજય નિરુપમે એક ન્યુઝ-ચૅનલ પર સ્મૃતિ ઈરાની વિશે કરેલી આ કમેન્ટથી બીજેપીના કાર્યકરોએ ઉશ્કેરાઈને તેમની બોરીવલી સ્થિત ઑફિસ સામે કાલે પ્રદર્શન કર્યું




એક ટીવી-ચૅનલ પર ગુજરાતમાં થયેલી વિધાનસભાની ચૂંટણીની સમીક્ષા કરી રહેલા ઉત્તર મુંબઈના કૉન્ગ્રેસના સંસદસભ્ય સંજય નિરુપમે ગુરુવારે બીજેપીનાં નેતા અને ટીવી-ઍક્ટ્રેસ સ્મૃતિ ઈરાની વિરુદ્ધ કરેલી અણછાજતી કમેન્ટને કારણે ગઈ કાલે બીજેપીના કાર્યકરોએ તેમની ઑફિસ સામે વિરોધ-પ્રદર્શન કર્યું હતું. ગુજરાતનાં પરિણામોની સમીક્ષા કરતાં એક ટીવી-ચૅનલ પર કૉન્ગ્રેસના સંસદસભ્ય સંજય નિરુપમે સ્મૃતિ ઈરાનીને ઉદ્દેશીને કહ્યું હતું કે થોડા વખત પહેલાં તો તમે ટીવી પર ઠૂમકા લગાવતાં હતાં અને હવે ચૂંટણીનાં પરિણામોની સમીક્ષા કરો એવાં બની ગયાં છો.




તેમની આ કમેન્ટને કારણે ઉશ્કેરાયેલા બીજેપીના કાર્યકરોએ ગઈ કાલે બપોરે બે વાગ્યે બોરીવલી (વેસ્ટ)ના ચંદાવરકર રોડ પર આવેલી સંજય નિરુપમની ઑફિસ સામે જોરદાર વિરોધ-પ્રદર્શન કર્યું હતું અને નારાબાજી કરી હતી. એમાં મોટી સંખ્યામાં મહિલાઓ પણ હાજર હતી. તેમનું કહેવું હતું કે સંજય નિરુપમ આ માટે માફી માગે. બોરીવલી પોલીસે વિરોધ-પ્રદર્શન કરી રહેલા બીજેપીના કાર્યકરોને પહેલાં તાબામાં લીધા હતા અને પછી પોલીસ-સ્ટેશને લઈ જઈને છોડી મૂક્યા હતા.

બીજેપી = ભારતીય જનતા પાર્ટી

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK