યુવતીને હેરાન કરતા યુવાનને અર્ધનગ્ન કરીને માર માર્યો, વીડિયો વાઇરલ
પ્રતીકાત્મક તસવીર
સાબરકાંઠાના વડાલીના યુવાન પર અત્યાચારનો એક વીડિયો વાઇરલ થઈ રહ્યો છે. યુવકના પરિવારે વડાલી પોલીસ સ્ટેશનમાં
આ અંગે ફરિયાદ કરી છે. એમાં જણાવવામાં આવ્યું છે કે આ યુવાનનું અપહરણ કરીને અવાવરું જગ્યામાં લઈ જઈને માર મારવામાં આવ્યો હતો. તેને જાતિવાચક શબ્દોથી પણ હેરાન કરવામાં આવ્યો હતો.
આ મામલે મળતી માહિતી પ્રમાણે વડાલીના યુવાનને અન્ય જાતિ ના થોડા લોકો ભેગા થઈને ઉપાડી ગયા હતા. તેને એક જગ્યા પર લઈ જઈ પહેલાં માર મારવામાં આવ્યો હતો. અર્ધનગ્ન હાલતમાં આ યુવકને જાતિવાચક શબ્દો પણ કહ્યા હતા. આ યુવકને ટોળાએ ગંદાં વાસણમાં પાણી પીવાની પણ ફરજ પાડી હતી. આ યુવકને થોડાં વાક્યો બોલાવીને તેનો વીડિયો ઉતારવામાં આવ્યો હતો.
ADVERTISEMENT
આ પણ વાંચો : ઉત્તર ગુજરાતનાં 400 તળાવોમાં નર્મદાનાં પાણીથી છલકાવી દેવાશે : નીતિન પટેલ
આ વીડિયોમાં લોકો યુવકને બોલાવે છે કે હવે તે કોઈ છોકરી પર બળજબરી નહીં કરે, તે કોઈની છેડતી નહીં કરે. આ યુવક એ બધું જ બોલે છે જે આ લાકો તેની પાસે બોલાવે છે. તે એ પણ સ્વીકારે છે કે તેણે એક યુવતીને હેરાન કરી હતી.