ખાવા પણ ગમે અને જોવા પણ ગમે એવા મૅક્રોન્સ બનાવે છે અન્ના ઝિરોવા

રશિયામાં રહેતી વ્યવસાયે આર્કિટેક્ટ અન્ના ઝિરોવાને નાનપણથી ચિત્રકામનો વિશેષ શોખ હતો. ડિઝાઇન્સ બનાવવી તેને માટે એક પસંદગીનો વિષય હતો. ધીમે-ધીમે તેણે ખાદ્ય પદાર્થો પર આર્ટવર્ક કરવાની ટેક્નિક વિકસાવી અને એને માટે ખાદ્ય કલરનો ઉપયોગ કર્યો.

સામાન્ય રીતે મૅક્રોન્સ ચોક્કસ કલરમાં આવે છે, પરંતુ અન્ના ઝિરોવાની ડિઝાઇન્સને સુંદર બૅકગ્રાઉન્ડ મળી શકે એ માટે તે સફેદ શુગરનું ચમકદાર બૅકગ્રાઉન્ડ ધરાવતા મૅક્રોન્સ પર હાથથી પેઇન્ટિંગ કરે છે. અન્ના ઝિરોવાની આ કળાને કારણે તેના મિત્રો તેને મૅક્રોન્નિસાના હુલામણા નામે ઓળખે છે. તેના મૅક્રોની ડિઝાઇન્સ સોશ્યલ મીડિયા પર ખૂબ લોકપ્રિય છે.