અંધેરીમાં રિક્ષાનાં મીટર તપાસવા આરટીઓ પાસે ફક્ત એક મશીન

Published: Dec 30, 2011, 08:40 IST

રિક્ષાના મીટર સાથે ચેડાં કરીને પ્રવાસીઓને લૂંટતા ૫૧ રિક્ષાવાળાઓને અંધેરી આરટીઓ (રીજનલ ટ્રાન્સર્પોટ ઑફિસ)એ સાણસામાં લીધા હતા. અંધેરીમાં રિક્ષાનાં મીટર તપાસવા માટે આરટીઓ પાસે ફક્ત એક જ મશીન હોવાનું જાણવા મળ્યું છે.

 

રિક્ષાના મીટર સાથે ચેડાં કરવામાં આવ્યાં હોય તો ફૉલ્ટ ડિટેક્ટર મશીન પકડી પાડે છે. જોકે નવાઈની વાત તો એ છે કે અંધેરી અને વડાલા આરટીઓ પાસે રિક્ષાનાં મીટર તપાસવા ફક્ત એક જ મશીન છે એવું આરટીઓ (રીજનલ ટ્રાન્સર્પોટ ઑફિસ)નાં સૂત્રોએ જણાવ્યું હતું.

આ મશીન વગર રિક્ષાનાં મીટર તપાસવાનું મુશ્કેલ છે. એક મીટરની તપાસ કરવા માટે એક કલાક થાય છે. મશીનની અછતને કારણે જ રિક્ષાની મીટર સાથે ચેડાં કરતા રિક્ષાવાળાઓ સામેની ઝુંબેશ અટકાવી દેવામાં આવી છે. અંધેરી આરટીઓને મશીન પૂરું પાડવામાં આવ્યા બાદ આ ઝુંબેશ ફરી શરૂ કરવામાં આવશે એવું આરટીઓનાં સૂત્રોએ જણાવ્યું હતું.

ઑટોમોબાઇલના નિષ્ણાત અને શહેરની એક પૉલિટેક્નિક કૉલેજના ભૂતપૂર્વ લેક્ચરરે મીટર તપાસવા માટેનું આ મશીન બનાવીને અંધેરી આરટીઓને આપ્યું છે. હવે આરટીઓ તેમને વધારાનાં મશીનો બનાવી આપવાની વિનંતી કરી રહી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK