હોટેલિયરે બ્લૅકમેઇલ કરતા RTI ઍક્ટિવિસ્ટને છૂપા કૅમેરાથી પકડાવ્યો

Published: 16th December, 2012 05:15 IST

નવપાડા પોલીસે થાણેના હોટેલિયર્સ તથા બિલ્ડર્સ પાસેથી કથિત રૂપિયા પડાવતા આરટીઆઇના ઍક્ટિવિસ્ટ કિરણ વૈદ્યને રંગેહાથ પકડી પાડ્યો હતો. કિરણ વૈદ્ય થાણેમાં એક એનજીઓ ચલાવતો હતો તેમ જ આરટીઆઇ ઍક્ટિવિસ્ટ તરીકે જાણીતો હતો. થાણેના ખોપટમાં આવેલી અભિષેક વેજ રેસ્ટોરાંના માલિક ઉમેશ શેટ્ટી પાસે તે કથિત રૂપિયા પડાવતો હતો ત્યારે તેની ધરપકડ કરવામાં આવી હતી.



પોલીસે કહ્યું હતું કે ‘હોટેલ વિરુદ્ધ કિરણ વૈદ્ય નવા નિયમ પ્રમાણે હોટેલ ગેરકાયદે હોવાની ઘણી ફરિયાદો થાણે સુધરાઈ તથા કલેક્ટર ઑફિસમાં કરતો હતો. પરિણામે આવી ફરિયાદોથી કંટાળીને આરોપીનો સંપર્ક કરતાં તેણે હોટેલમાલિક પાસે ૬ લાખ રૂપિયાની માગણી કરી હતી. છેવટે ત્રણ લાખ રૂપિયા આપવાનું નક્કી કરવામાં આવ્યું હતું. ઉમેશ શેટ્ટીએ શરૂઆતમાં ૫૦,૦૦૦ રૂપિયા ચૂકવ્યા હતા, પરંતુ એ પહેલાં પોતાના શર્ટમાં ગોઠવેલા ૧૦ છૂપા કૅમેરાની મદદથી સમગ્ર ઘટનાનું શૂટિંગ કરી લીધું હતું. બાદમાં ગુરુવારે ૧ લાખ રૂપિયા આપવા માટે બોલાવ્યો ત્યારે તેને રંગેહાથ પકડવામાં આવ્યો હતો.

આરટીઆઇ = રાઇટ ટુ ઇન્ફર્મે‍શન

એનજીઓ = નૉન-ગવર્નમેન્ટલ ઑર્ગેનાઇઝેશન

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK