રાષ્ટ્રપતિ જ્યાં એક કલાક રોકાયા હતા એ રૂમને સજાવવા ૩૭ લાખ રૂપિયા ખર્ચાયા

Published: 27th December, 2012 04:18 IST

રાષ્ટ્રપતિ પ્રણવ મુખરજી ગયા ઑક્ટોબર મહિનામાં કર્ણાટક આવ્યા હતા. તેઓ બૅન્ગલોરમાં નવા વિધાનસભા ભવનનું ઉદ્ઘાટન કરવા માટે આવ્યા હતા.

રાષ્ટ્રપતિ આવી રહ્યા હોવાથી સરકારી સરકિટ હાઉસનો પુનરુદ્ધાર કરવામાં આવ્યો હતો જેની પાછળ કુલ ૧૬૧ લાખ રૂપિયા ખર્ચવામાં આવ્યા હતા. જે રૂમમાં રાષ્ટ્રપતિ રોકાવાના હતા એ રૂમને સજાવવા ૩૭ લાખ રૂપિયા ખર્ચવામાં આવ્યા હતા, આ રૂમમાં પ્રણવ મુખરજી માત્ર એક કલાક જ રોકાયા હતા. માહિતી મેળવવાના અધિકાર હેઠળ માગવામાં આવેલી વિગતોમાં આ ચોંકાવનારી હકીકતો બહાર આવી હતી. ભીમપ્પા ગાડા નામના આરટીઆઇ કાર્યકર્તાએ આ વિગતો મેળવી હતી. રાષ્ટ્રપતિના પ્રવાસ પાછલ કુલ ૧૯૮ લાખ રૂપિયાનો ખર્ચ થયો હતો. ચોંકાવનારી વધુ એક હકીકત એ છે કે જે સરકિટ હાઉસના સમારકામ પાછળ ૧૬૧ લાખ ખર્ચાયા હતા, એ સરકિટ હાઉસનું ગયા વરસે જ ૩૨ લાખ રૂપિયાના ખર્ચે સમારકામ કરવામાં આવ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK