ગાઝિયાબાદમાં સ્મશાનની છત પડી, ૧૮ લોકોનાં મોત

Published: 4th January, 2021 14:44 IST | Gujarati Mid-day Correspondent | Ghaziabad

ઘટનાની જાણ થતાં ગાઝિયાબાદ પોલીસ અને રેસ્કયુ ઑપરેશન ટીમ ઘટનાસ્થળે દોડી આવી હતી અને રેસ્ક્યુ ઑપરેશન હાથ ધરવામાં આવ્યું છે

ગાઝિયાબાદના મુરાદનગરમાં રેસ્કયુ ઑપરેશન કરતા એનડીઆરએફના જવાનો. (તસવીર: પી.ટી.આઈ)
ગાઝિયાબાદના મુરાદનગરમાં રેસ્કયુ ઑપરેશન કરતા એનડીઆરએફના જવાનો. (તસવીર: પી.ટી.આઈ)

ઉત્તર પ્રદેશના ગાઝિયાબાદમાં એક મોટી દુર્ઘટના સામે આવી છે. ગાઝિયાબાદના એક સ્મશાનમાં છત પડી જતાં લગભગ ૪૦ લોકો દબાયા હોવાની માહિતી મળી રહી છે. જ્યારે ૧૮ લોકોનાં મોત થયાં છે અને ઘણા લોકોને ઈજા પહોંચી હોવાનું જાણવા મળી રહ્યું છે. હાલ રેસ્ક્યુ ઑપરેશન ચાલુ છે.

ગાઝિયાબાદના મુરાદનગર વિસ્તારમાં આવેલા સ્મશાન ઘાટની છત પડતાં અનેક લોકો દબાયા હતા. ઘટનાની જાણ થતાં ગાઝિયાબાદ પોલીસ અને રેસ્કયુ ઑપરેશન ટીમ ઘટનાસ્થળે દોડી આવી હતી અને રેસ્ક્યુ ઑપરેશન હાથ ધરવામાં આવ્યું છે.

ગઈ કાલે સવારે દિલ્હી એનસીઆરમાં વરસાદ પડી રહ્યો હતો ત્યારે મુરાદનગર સ્થિત સ્મશાનમાં કેટલાક લોકો એક વ્યક્તિના અંતિમ સંસ્કાર કરવા માટે આવ્યા હતા. વરસાદને કારણે કેટલાક લોકો છત નીચે ઊભા હતા, આ દરમ્યાન છત પડી હતી. જેમાં લગભગ ૪૦ લોકો દબાઈ ગયા હોવાનું કહેવાય છે. જ્યારે ૧૮ લોકોનાં મોતના સમાચાર મળી રહ્યા છે, ઉપરાંત ૧૫ લોકોને બહાર કાઢી હૉસ્પિટલમાં ખસેડાયા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK