આસામમાં હિંસા ફરી ભડકે બળી
ADVERTISEMENT
આસામનાં બક્સા અને કામરૂપ જિલ્લામાં હિંસા ભડકવાનાં તાજા સમાચાર પ્રાપ્ત થયાં છે. આ જિલ્લામાં અજ્ઞાત વ્યક્તિઓએ આવીને એક કાર, બસ અને એક લાકડીનાં પુલને આગ લગાડી દીધી હતી. બક્સા જિલ્લો આસામમાં બીટીએડી હેઠળ આવે છે, બોડો અને લઘુમતીઓ વચ્ચેનાં સંઘર્ષમાં 70થી વધુ લોકોનાં મોત થયાં છે.
સૂત્રોનાં જણાવ્યાં અનુસાર હિંસાના સમાચાર મળ્યાં બાદ રાંગિયાનાં સ્થાનિક રહેવાસીઓ દ્વારા ગુરુવારની સવારથી રાષ્ટ્રીય હાઈવે-31 બંધ કરી દેવામાં આવ્યો છે અને ઘટના વિરોધી પ્રદર્શનો પણ કર્યાં હતાં. ગુવાહાટી તરફ જઈ રહેલી બસને પણ કેટલાંક અસામાજિક તત્વો દ્વારા આગ લગાડી દેવામાં આવી હતી.