મુંબઈ-અમદાવાદ વચ્ચે શરૂ થનારી બુલેટ ટ્રેનની પ્રતિકૃતિએ કાંકરિયા કાર્નિવલમાં આકર્ષણ જમાવ્યું

Published: 26th December, 2018 18:34 IST

૭૦ લાખ રૂપિયાનો એક કોચ બન્યો છે જેમાં ૩૬ પૅસેન્જરની કૅપેસિટી છે. ફુલ્લી એસી ટ્રેન છે.

બુલેટ ટ્રેન જેવી ટોય ટ્રેન
બુલેટ ટ્રેન જેવી ટોય ટ્રેન


દેશના વડા પ્રધાન નરેન્દ્ર મોદીના ડ્રીમ-પ્રોજેક્ટ એવી બુલેટ ટ્રેન મુંબઈ અને અમદાવાદ વચ્ચે દોડશે ત્યારે દોડશે, પરંતુ ગઈ કાલે અમદાવાદમાં શરૂ થયેલા કાંકરિયા કાર્નિવલમાં દેશની પ્રથમ બુલેટ ટૉય-ટ્રેન દોડી હતી. મુંબઈ-અમદાવાદ વચ્ચે શરૂ થનારી બુલેટ ટ્રેનની પ્રતિકૃતિ સમાન બુલેટ ટૉય-ટ્રેને કાંકરિયા કાર્નિવલમાં ભારે આકર્ષણ જમાવ્યું હતું.

બુલેટ ટૉય-ટ્રેનના ઓનર હિતેન્દ્ર શાહે ‘મિડ-ડે’ને કહ્યું હતું કે ‘મેક ઇન ઇન્ડિયાના ભાગરૂપે આ ટ્રેન અમદાવાદમાં બનાવી છે. ટેક્નૉલૉજી બ્રિટનની છે. હાલમાં આ બુલેટ ટૉય- ટ્રેનમાં એક એન્જિન અને એક કોચ છે. ૪૫ દિવસમાં અમે આ ટ્રેન બનાવી છે. ૭૦ લાખ રૂપિયાનો એક કોચ બન્યો છે જેમાં ૩૬ પૅસેન્જરની કૅપેસિટી છે. ફુલ્લી એસી ટ્રેન છે.

 

મ્યુઝિક-સિસ્ટમ પણ મૂકવામાં આવી છે. ટ્રેનના કોચમાં કુશન-બેઠક છે. નીચે કાર્પેટ છે. ઇમર્જન્સી બેલ અને એક્ઝિટ પણ આ ટ્રેનમાં બનાવ્યાં છે. સહેલાણીઓ આ ટ્રેનમાં બેસે ત્યારે તેઓ બુલેટ ટ્રેનમાં બેઠા હોય એવો અહેસાસ થવાથી એ રીતે સફર માણી શકશે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK