શૂટિંગ પહેલાં રિહર્સલ્સ
કેમેરો
હવે લૉકડાઉન જ્યારે ખૂલી રહ્યું છે ત્યારે ટીવી-સિરિયલના શૂટિંગની પણ શરતી મંજૂરી મળવા માંડી છે ત્યારે ચૅનલ આ બાબતમાં ચીવટ અને સાવચેતી રાખવા માગે છે, જેથી શૂટિંગ શરૂ થયા પછી કોવિડ-19ને કારણે આપવામાં આવેલા સોશ્યલ ડિસ્ટન્સિંગના નિયમનો ભંગ ન થાય અને પ્રોડક્શન-હાઉસ સાથે ચૅનલનું નામ પણ ખોટી રીતે ખરડાય નહીં. આ જ કારણે તમામ ચૅનલોએ પ્રોડક્શન-હાઉસને સૂચના આપી છે કે શૂટિંગની તમામ પ્રકારની પરમિશન મળી જાય એ પછી સીધું શૂટિંગ કરવાને બદલે એક કે બે દિવસ રિહર્સલ્સ રાખવાં અને એમાં આર્ટિસ્ટ અને ક્રૂએ કઈ રીતે સોશ્યલ ડિસ્ટન્સિંગ પાળવાનું છે એની ટ્રેઇનિંગ અને સમજણ બરાબર આપી દેવી, જેથી બધાએ કેવી રીતે નિયમનું પાલન કરવાનું છે એ બરાબર સમજાઈ જાય અને ચેકિંગ આવે ત્યારે કોઈએ ભૂલથી પણ નિયમનો ભંગ ન કર્યો હોય.
ચૅનલોએ એનાં તમામ પ્રોડક્શન-હાઉસને આ સૂચના આપી છે અને એનું પાલન કરવાની તાકીદ પણ કરી છે.