મરીનડ્રાઇવ પર ભેગાં થતાં ટોળાંને જોઈને લાગે મુંબઈગરાઓને કોરોનાનો ડર નથી
તમામ નિયમોનો ભંગ કરીને મોટી સંખ્યામાં ભેગા થયેલા લોકો
શહેરમાં કોરોનાના કેસ વધી રહ્યા છે ત્યારે જાણે મુંબઈગરાઓને આ મહામારીની કોઈ ચિંતા જ નથી એવું લાગી રહ્યું છે. શહેરના મરીન ડ્રાઇવ પર લોકો કલાકો સુધી બેસવા અને ગપ્પાં મારવા આવી રહ્યા છે. તેઓ સોશ્યલ ડિસ્ટન્સિંગનું કોઈ પાલન નથી કરી રહ્યા અને અને અમુક લોકો તો મોઢા પર માસ્ક પણ નથી બાંધતા.
મરીન લાઇન્સ પાસે રહેતા એક રેસિડન્ટ બિમલ બોદાજીએ જણાવ્યું કે ‘હું રોજ જોઉં છું. સવારે પાંચથી નવ વાગ્યા દરમિયાન આવતા લોકો કસરત માટે આવે છે અને મોટા ભાગે તેઓ નિયમોનું પાલન કરતા જોવા મળે છે, પણ સાંજે પાંચથી સાત વાગ્યા વચ્ચે જે ટોળાં આવે છે એમાં લોકો માત્ર ગપ્પાં મારવા અને બેસવા માટે આવે છે. આ લોકો સોશ્યલ ડિસ્ટન્સિંગનું પાલન કરતા જ નથી. પોલીસ તેમનું કામ કરે છે. તેઓ પ્રયત્ન કરે છે કે બને એટલા લોકો અંતર રાખે, પણ લોકો સમજવા તૈયાર જ નથી. હું જોઉં છું કે પોલીસ દરરોજ પોતાની જીપમાં પૅટ્રોલિંગ માટે ફરતી હોય છે. પોલીસ લોકોને વિનંતી કરે છે કે સોશ્યલ ડિસ્ટન્સિંગ પાળો. અમુક મિત્રો અને પરિવારનાં ગ્રુપ તો રેગ્યુલર અહીં જોવા મળે છે.’
ADVERTISEMENT
મરીન લાઇન્સ પર તહેનાત એક લાઇફગાર્ડે જણાવ્યું હતું કે ‘અમે પાણીની અંદર કોઈને પ્રવેશવા દેતા નથી, પણ સૌથી અઘરું કામ અમારા માટે એ છે કે લોકોને વારંવાર વિનંતી કરવી પડે છે કે માસ્ક પહેરી રાખો અને ડિસ્ટન્સ મેઇન્ટેન કરો.’