નવા વર્ષે પ્રવાસીઓને ભારત દર્શન સ્પેશ્યલ ટૂરિસ્ટ ટ્રેનની રેલવેની ભેટ

આઇઆરસીટીસી (ઇન્ડિયન રેલવેઝ કેટરિંગ ઍન્ડ ટૂરિઝમ કૉર્પોરેશન) દ્વારા નવા વર્ષે ફરવાના શોખીન પ્રવાસીઓ માટે જયપુર, અજમેર, ઉદયપુર, સોમનાથ, દ્વારકા અને અમદાવાદ જેવાં શહેરોને આવરી લેતી ૧૧ દિવસની ભારત દર્શન સ્પેશ્યલ ટૂરિસ્ટ ટ્રેનની જાહેરાત કરવામાં આવી છે.

૧૧ દિવસનો રૂટ ધરાવતી આ ટ્રેનનો પ્રવાસ ચંડીગઢથી શરૂ થશે અને અમદાવાદમાં પૂરો થશે. આ ટ્રેનનો પ્રવાસ ૨૫ ડિસેમ્બરે ચંડીગઢથી શરૂ થશે અને એ વાયા દિલ્હી કેન્ટોનમેન્ટ થઈને ૪ જાન્યુઆરીએ અમદાવાદ પહોંચશે. આ પ્રવાસ દરમ્યાન ટ્રેન મહત્વના ટૂરિસ્ટ સ્પૉટ પર હૉલ્ટ કરશે. આ ટ્રેનમાં પ્રવાસ કરતા પ્રવાસી પાસે ૫૬૪૩ રૂપિયા જેટલો ચાર્જ લેવામાં આવશે અને આ પૅકેજમાં ટ્રાવેલ, ફૂડ તેમ જ ટ્રાન્સર્પોટ ફૅસિલિટીના ખર્ચને આવરી લેવામાં આવશે. આ ભારત દર્શન સ્પેશ્યલ ટૂરિસ્ટ ટ્રેનનું બુકિંગ આઇઆરસીટીની વેબસાઇટ પર ઑનલાઇન પણ કરી શકાશે.