Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > હા...સાવજ પણ ઘાસ ખાય ખરો...પણ ક્યારે?

હા...સાવજ પણ ઘાસ ખાય ખરો...પણ ક્યારે?

29 August, 2019 07:40 AM IST | રાજકોટ
રશ્મિન શાહ

હા...સાવજ પણ ઘાસ ખાય ખરો...પણ ક્યારે?

સિંહ

સિંહ


ગુજરાતના તુલસીશ્યામ પંથકમાં ત્રણ દિવસ પહેલાં એક એવી ઘટના ઘટી કે જે જોઈને સૌ કોઈ અચરજ પામી ગયા. આ વિસ્તારમાં લગભગ ચૌદ વર્ષની ઉંમરનો એટલે કે વૃદ્ધ કહેવાય એવો સિંહ ખુલ્લામાં આવીને ઉગેલું ઘાસ ખાતો હતો. એ વિસ્તારમાં ફરવા આવેલા કેટલાંક લોકોએ આ વીડિયો ઉતારી લીધો અને સોશ્યલ મીડિયા પર એ વીડિયોએ ધુમ મચાવી દીધી. વીડિયોમાં ચોખ્ખું દેખાય છે કે સિંહ ઘાસ ખાય છે અને એવું એક કે બેવાર નહીં પણ ત્રણ-ત્રણવાર દેખાય છે. જોતાં એવું જ લાગે છે કે સિંહ ખરેખર ઘાસ ખાય છે પણ આંખને જે દેખાય છે એ સાચું નથી એવું આ રેન્જના ફોરેસ્ટ ઓફિસર કે.ડી. ઠેસિયા કહે છે. કે.ડી. ઠેસિયાના કહેવા મુજબ, ‘આ સિંહની પ્રકૃતિ જ નથી. એ ભૂખ્યો પડી રહે એવું બને અને ભૂતકાળમાં બન્યું છે કે એ શિકાર કરવાને સક્ષમ ન હોય એટલે ભૂખ્યો નબળાઈના કારણે પડ્યો રહે અને વન વિભાગે એના માટે મારણની વ્યવસ્થા કરી હોય પણ સિંહ ઘાસ ખાય એવું બને જ નહીં. વીડિયોમાં જે દેખાય છે એ સિંહ એટલો વૃધ્ધ પણ ન કહેવાય કે એ નાના શિકાર ન કરી શકે.’

ગુજરાતના ફોરેસ્ટ મિનિસ્ટર ગણપત વસાવા સાથે આ બાબતમાં વાત થઈ ત્યારે તેમણે પણ એ જ વાત કહેતાં કહ્યું કે, ‘મેં વીડિયો જોયો નથી પણ એ શક્ય જ નથી. પ્રકૃતિની વિરુધ્ધની આ વાત છે. વીડિયો જોયા પછી એવું શું કામ લાગે છે એ વિશે હું કહી શકું.’



આ પણ વાંચો : સુરત હવે થશે વધુ સુરક્ષિત, શહેર પોલીસનો છે આ પ્લાન


શું કહે છે વેટરનરી ડોક્ટર?

સિંહ ઘાસ ખાય છે એ વીડિયો જોઈને ગુજરાતના જાણીતા વેટરનરી ડોક્ટર કે.કે. પંડ્યાએ કહ્યું હતું, ‘વાઇલ્ફ લાઇફ એનિમલની દાંત સાફ કે ગળું સાફ કરવાની આ રીતે છે. એની હોજરીમાંથી ઘાસ પાછું આવે એટલે એ સમયે તે વૉમિટ કરીને ગળામાં અટવાયેલો કચરો સાફ કરી લેતો હોય છે. વાઇલ્ડ લાઇફ એનિમલ ઝાડના થડ સાથે પણ આ રીતે પોતાના દાંત ઘસતો દેખાતો હોય છે, એનાથી એ દાંતમાં ભરાયેલો ખોરાક કાઢી લેતો હોય છે. જોકે આવી પ્રવૃતિ એ સામાન્ય રીતે રાતના સમયે અને એકદમ એકાંતવાળી જગ્યાએ કરતો હોય છે એટલે એ જ્વલ્લે જ બીજાને જોવા મળે છે. બને કે આ વ‌ીડિયો સમયે પણ એ જ ચાલી રહ્યું હોય અને એનો પ્રભાવ એવો પડતો હોય કે સિંહ ઘાસ ખાય છે.’


Whatsapp-channel Whatsapp-channel

29 August, 2019 07:40 AM IST | રાજકોટ | રશ્મિન શાહ

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK