અલ-કાયદાના હિટલિસ્ટમાં રાજન

Published: Mar 15, 2020, 16:59 IST | Vivek Agarwal | Mumbai Desk

તમંચા : અંધારી આલમના જાણ્યા-અજાણ્યા કિસ્સા

પ્રતીકાત્મક તસવીર
પ્રતીકાત્મક તસવીર

આ ખબર પર કોઈ પણ વિશ્વાસ કરશે કે છોટા રાજન દાઉદને મારવા માગે છે. આ ખબર તો સહેલાઈથી ગળે ઊતરી જાય એવી છે કે છોટા શકીલ રાજનને ખતમ કરવા ઇચ્છે છે, પણ આ ખબર સાથે કેટલા લોકો સંમત છે કે ખતરનાક આતંકવાદી સંગઠન અલ-કાયદા રાજનને મારવાનો મોકો શોધી રહ્યું છે?

સપ્ટેમ્બર ૨૦૦૯માં ગુપ્તચર એજન્સીઓને મળેલી બાતમી પર વિશ્વાસ મૂકીએ તો આ સાચું છે.

ભારતની ગુપ્તચર એજન્સીઓને માહિતી મળી હતી કે જ્યારે ડી-કંપની એના કટ્ટર દુશ્મન રાજનને ન મારી શકી તો તેણે અલ-કાયદાને એવી માહિતી પહોંચાડી કે તે મુસ્લિમ સમુદાયનો મોટો દુશ્મન છે.

રાજનની હરકતો શું અને કેવી છે એની વિગતો અલ-કાયદાના આતંકના આકાઓને આપવા માટે ડી-કંપનીએ રાજને ન્યુઝ-ચૅનલોને આપેલા ઇન્ટરવ્યુ તથા અખબારોમાં છપાયેલા સમાચાર બતાવ્યા.

તેમણે સમજાવ્યું કે રાજન તો જેહાદનો સૌથી મોટો વિરોધી છે. તેને ખતમ કરીને જ હિન્દુસ્તાન પર ફતેહ મેળવી શકાશે.
એ સમયે રાજન ઑસ્ટ્રેલિયામાં હતો. એક સમયે ભરત નેપાલી તેના રક્ષણમાં હતો. ભરત અલગ થયો એ સાથે જ રાજનનું સંકટ વધી ગયું.

ત્યાર પછી રાજન અત્યંત ગુપ્તતા સાથે કામ કરવા માંડ્યો. તે સતત ઠેકાણાં બદલતો રહેતો. તેનાં ઠેકાણાંની કોઈને ગંધ ન આવે એ માટે તે ચાંપતી નજર રાખતો. એમાં તેનો ખર્ચ ભારે વધી ગયો. પરિવાર સાથે વાત કરવાનું પણ તે ટાળતો. તેના સાથીઓને પણ તેના ઠેકાણાની જાણ ન થાય એનું ધ્યાન રાખવા માંડ્યો.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK