રાજ ઠાકરેના માઇકલ જૅક્સન કૉન્સર્ટને ઉધ્ધવની સરકારે આપી ૨૪ વર્ષે કરમાફી

Published: 7th January, 2021 11:27 IST | Gujarati Mid-day Correspondent | Mumbai

એ વખતની શિવસેનાની સરકારે મનોરંજન વેરો માફ કર્યો હતો

માઇકલ જૅક્સન
માઇકલ જૅક્સન

વર્ષ ૧૯૯૬માં રાજકીય નેતા રાજ ઠાકરેએ યોજેલી પૉપ-સ્ટાર માઇકલ જૅક્સનની કૉન્સર્ટને કરમાફીના અટવાયેલા મામલાનો સરકાર હવે નિકાલ કરશે. એ વખતની શિવસેનાની સરકારે મનોરંજન વેરો માફ કર્યો હતો, પરંતુ એ આદેશને બિનતાર્કીક ગણાવતાં મુંબઈ વડી અદાલતે બિનઅમલી બનાવતાં વિષય પાછો રાજ્ય સરકારને સુપરત કર્યો હતો. એ વિષયને રાજ્યની નવી મહાવિકાસ આઘાડી સરકારે ફરી હાથ ધરી અને કરમાફીને બહાલી આપી છે.

ગઈ કાલે યોજાયેલી રાજ્યના પ્રધાનમંડળની બેઠકમાં આ બાબતે નિર્ણય લેવામાં આવ્યો હતો. હાલમાં મહારાષ્ટ્ર નવનિર્માણ સેનાના પ્રમુખ રાજ ઠાકરે એ વખતે શિવસેનાના ઉપક્રમ શિવઉદ્યોગ સેનાનું નેતૃત્વ સંભાળતા હતા. તેમણે અંધેરીના વીરા દેસાઈ રોડ પરના સ્પોર્ટ્સ કૉમ્પ્લેક્સમાં માઇકલ જૅક્સનના કૉન્સર્ટનું આયોજન કર્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK