સુર-ક્ષેત્ર કાર્યક્રમને રાજ ઠાકરેનું ગ્રીન સિગ્નલ
પાકિસ્તાની કલાકારોએ ભાગ લીધેલા કલર્સ ચૅનલના ૮ સપ્ટેમ્બરે પ્રસારિત થનારા આ શો સામે રાજ ઠાકરેએ ૩૦ ઑગસ્ટે વિરોધ દર્શાવ્યો હતો અને પ્રસારણ ન કરવા બાબતે ચૅનલને ધમકી પણ આપી હતી. એટલું જ નહીં, ગાયિકા આશા ભોસલેને પણ આ કાર્યક્રમમાં નહીં જોડાવા વિનંતી કરી હતી. જોકે ગઈ કાલે બપોરે ફિલ્મ-નિર્માતા અને કલર્સ ચૅનલના ચીફ એક્ઝિક્યુટિવ ઑફિસર બોની કપૂર સહિત ચૅનલના અન્ય અધિકારીઓએ દાદરમાં રાજ ઠાકરેના નિવાસસ્થાને તેમની મુલાકાત લીધી હતી. તેમની વચ્ચે ચર્ચા-વિચારણા થયા બાદ રાજ ઠાકરેએ આ કાર્યક્રમને મંજૂરી આપી હતી, પણ ભવિષ્યમાં પાકિસ્તાની કલાકારોએ ભાગ લીધેલા કાર્યક્રમને એમએનએસ મંજૂરી નહીં આપે એવી સ્પષ્ટતા પણ કરી હતી.
એમએનએસ = મહારાષ્ટ્ર નવનિર્માણ સેના
