હેં! દુબઈમાં કાલે પડ્યો જોરદાર વરસાદ

Published: 1st December, 2012 06:18 IST

દુબઈ અને શારજાહ આમ અફાટ રણના કાંઠે આવેલા છે અને ત્યાં ભાગ્યે જ વરસાદ પડે છે, પણ ગઈ કાલે આ બન્ને જગ્યાએ જોરદાર વરસાદ પડ્યો હતો.




ગુરુવારે સાંજથી શરૂ થયેલો વરસાદ બાદમાં શુક્રવારે એટલો જોરદાર પડ્યો હતો કે અનેક જગ્યાએ પાણી ભરાઈ ગયાં હતાં. વરસાદ બાદ સવારે દુબઈ-શારજાહ રોડ પર કલાકો સુધી ટ્રાફિક જૅમ સર્જાયો હતો.

સ્થાનિક હવામાન વિભાગે આવનારા ૪૯ કલાકમાં તાપમાનમાં ૧૦ ડિગ્રી સેલ્સિયસ જેટલો ઘટાડો થશે એવી આગાહી કરી હતી. હવામાન વિભાગે શનિવાર પણ વરસાદ પડવાની આગાહી કરી હતી. ગઈ કાલે થયેલા વરસાદને કારણે દુબઈનું તાપમાન ઘટીને ૨૬ ડિગ્રી સેલ્સિયસ થયું હતું. દુબઈ-શારજાહ ઉપરાંત સંયુક્ત આરબ અમીરાતમાં અનેક જગ્યાએ પણ વરસાદ નોંધાયો હતો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK