પ્રતિભા પાટીલ પરંપરા તોડી કીમતી ગિફ્ટ લઈને જતાં રહ્યાં

Published: 4th August, 2012 08:07 IST

રાષ્ટ્રપતિને મળેલી ભેટો જનતાની માલિકીની હોવાથી એ તોશાખાનામાં રાખવાનો રિવાજ છે

 

 

ભૂતપૂર્વ રાષ્ટ્રપતિ પ્રતિભા પાટીલ ફરી એક વાર વિવાદમાં છે. દેશનાં રાષ્ટ્રપતિ તરીકે તેમને જેટલી પણ ગિફ્ટ મળી હતી એ તેઓ પોતાની સાથે મહારાષ્ટ્રના અમરાવતી ખાતે લઈ ગયાં છે. રાષ્ટ્રપતિને મળેલી ભેટને જનતાની માલિકીની માનવામાં આવે છે. આ તમામ ભેટ સરકારી તોશાખાનામાં રાખવાની પરંપરા છે. જોકે પ્રતિભા પાટીલ આ ભેટો તોશાખાનામાં જમા કરાવવાને બદલે પોતાની સાથે લઈ ગયાં હતાં.

 

પ્રતિભા પાટીલને તેમના કાર્યકાળ દરમ્યાન ૧૫૦ કીમતી ભેટ મળી હતી, જેમાં અમેરિકાના પ્રમુખ બરાક ઓબામાએ આપેલી ગિફ્ટ પણ સામેલ છે. આ તરફ પ્રતિભા પાટીલ તરફથી એવી સ્પષ્ટતા કરવામાં આવી છે કે આ તમામ ગિફ્ટ તેમણે પ્રેસિડેન્શિયલ એસ્ટેટ પાસેથી લોન પર મેળવી છે અને જ્યારે માગવામાં આવશે ત્યારે તેઓ આ ગિફ્ટ પરત કરી દેશે. અમરાવતીમાં આવેલી વિદ્યા ભારતી કૉલેજના મ્યુઝિયમમાં આ ભેટો મૂકવાની તેમની યોજના છે. આ કૉલેજ તેમના પરિવારના ટ્રસ્ટ દ્વારા ચલાવવામાં આવે છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK