પીએમસી કૌભાંડ: એચડીઆઇએલને દસ્તાવેજ વિના જ લોન મળતી હતી

Published: Dec 14, 2019, 08:35 IST | Vishal SIngh | Mumbai

પીએમસી કૌભાંડના ફૉરેન્સિક ઑડિટ રિપોર્ટમાં અનેક લોચાલબાચાનો પર્દાફાશ : ૨૦૦૭માં જ આરબીઆઇએ આની જાણ બૅન્કને કરી હતી, પણ પીએમસી મૅનેજમેન્ટે આ સંબંધે કોઈ જ ઍક્શન નહોતી લીધી

વરિયામ સિંહ અને જૉય થોમસ
વરિયામ સિંહ અને જૉય થોમસ

પીએમસી બૅન્ક કૌભાંડમાં એક પછી એક નવા ખુલાસા થઈ રહ્યા છે. બૅન્કના ફૉરેન્સિક ઑડિટ રિપોર્ટમાં પીએમસીના ડિરેક્ટરો અને તેમનાં સગાંસંબંધીઓની એચડીઆઇએલ ગ્રુપ ઑફ કંપનીઝ સાથેની નાણાકીય લેવડ-દેવડ વિશે વિગતવાર જણાવાયું હતું. રિપોર્ટમાં જણાવાયા મુજબ ૨૦૦૮થી ૨૦૧૯ દરમ્યાન બૅન્કના ભૂતપૂર્વ ચૅરમૅન જૉય થોમસ, બૅન્કના ભૂતપૂર્વ ચૅરમૅન અને એચડીઆઇએલના ડિરેક્ટર વરિયામ સિંહ, બૅન્કના ભૂતપૂર્વ ડિરેક્ટર્સ સુજિત અરોરા, દલજિત સિંહ બાલ અને ડૉક્ટર પરમીત સોઢીએ ભેગા મળીને એચડીઆઇએલ પાસેથી લગભગ ૧૦ કરોડ રૂપિયા મેળવ્યા હતા.

daljit

દલજિત સિંહ

રિપોર્ટમાં એમ પણ જણાવાયું છે કે ૨૦૦૮થી ૨૦૧૯ દરમ્યાન વરિયામ સિંહ, સુરજિત અરોરા, દલજિત સિંહ બાલ અને જસવિન્દર બનવંતેએ મળીને એચડીઆઇએલ પાસેથી લગભગ ૬ કરોડ રૂપિયા કરતાં વધુ રકમ મેળવી હતી. ૨૦૦૭માં ગ્રાન્ટ થોર્નટોન ઇન્ડિયાએ પ્રસ્તુત કરેલા ફૉરેન્સિક ઑડિટ રિપોર્ટમાં પીએમસી બૅન્ક એચડીઆઇએલને અનસિક્યોર્ડ લોન આપતી હોવાનું જણાવાયું હતું. રિઝર્વ બૅન્કે આ રિપોર્ટ પીએમસી બૅન્કને આપ્યો, પરંતુ બૅન્કે આવશ્યક પગલાં ભર્યાં નહીં.

રિઝર્વ બૅન્કે ગયા મહિને કોર્ટમાં દાખલ કરેલા ઍફિડેવિટમાં જણાવ્યું હતું કે બૅન્ક દ્વારા ગેરમાર્ગે દોરનારા રિપોર્ટ રજૂ કરવામાં આવ્યા હોવાથી રિઝર્વ બૅન્કને કોઈ ગેરરીતિ વિશે જાણ થઈ નહોતી.

આ પણ વાંચો : મીરા-ભાઇંદર પા‌લિકાની સ્કૂલના ગુજરાતી ‌વિદ્યાર્થીઓને આખરે ન્યાય મળ્યો

ફૉરેન્સિક રિપોર્ટમાં જણાવાયું હતું કે વરિયામ સિંહના ખાતામાં પૂરતું બૅલૅન્સ ન હોય કે પછી એચડીઆઇએલના અનધિકૃત ચેક પણ કોઈ મુશ્કેલી વિના પાસ થઈ જતા હતા. બૅન્કના ડિરેક્ટર્સને વિશેષ સર્વિસ પૂરી પાડવામાં આવતી હતી. એ ઉપરાંત એચડીઆઇએલની લોન મંજૂર કરવા જૂની બોર્ડ મીટિંગના ઠરાવો આગળ કરવામાં આવતા હતા. એચડીઆઇએલને મહત્ત્વના દસ્તાવેજો વિના પણ ઍડવાન્સ લોન આપવામાં આવતી હતી.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK