પ્લીઝ, અમને એકલા છોડી દો : કનિમોઝી

Published: 4th November, 2011 18:51 IST

નવી દિલ્હી: સીબીઆઇ (સેન્ટ્રલ બ્યુરો ઑફ ઇન્વેસ્ટિગેશન)ની સ્પેશ્યલ ર્કોટના જજ ઓ. પી. સૈનીએ 2G સ્પેક્ટ્રમ ફાળવણી કૌભાંડના કેસમાં તામિલનાડુના ભૂતપૂર્વ મુખ્ય પ્રધાન એમ. કરુણાનિધિનાં પુત્રી અને સંસદસભ્ય કનિમોઝી તથા બીજા સાત આરોપીઓને જામીન ન આપતાં એક સમયે કનિમોઝીની આંખોમાં આંસુ આવી ગયાં હતાં, પરંતુ પછી તેમણે પોતાની જાત પર કાબૂ રાખીને પોતાની માતાને આશ્વાસન આપ્યું હતું.

 

જજ સૈનીએ કહ્યું હતું કે ‘બધી જામીનઅરજીઓ રદ થાય છે અને ટ્રાયલ ૧૧ નવેમ્બરે શરૂ થશે. આરોપીઓ સામેના આરોપો ગંભીર પ્રકારના અને ભારતના અર્થતંત્ર પર દૂરગામી માઠાં પરિણામ લાવનારા છે.’

કનિમોઝીની હતાશા દેખાઈ આવી હતી. તેઓ પોતાના કુટુંબીજનો સાથે ચર્ચા કરતાં હતાં ત્યારે પત્રકારોને જોતાં જ ભડકી જતાં તેમણે કહ્યું હતું કે ‘તમે માનવી છો કે નહીં? તમે એ જોતા નથી કે હું મારી ફૅમિલી સાથે વાતચીત કરી રહી છું. મહેરબાની કરીને અમને એકલાં છોડી દો.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK