સારા પોઝ માટે નવવધુની વધુ નજીક ગયેલા ફોટોગ્રાફરને વરે ઢીબી નાખ્યો

Published: 8th February, 2021 09:38 IST | Gujarati Mid-day Correspondent | New Delhi

ફોટોગ્રાફરો પ્રસંગને યાદગાર બનાવવા વર-વધૂના વિવિધ પોઝ અને સ્ટાઇલમાં ફોટો પાડતા હોય છે

આજકાલ લગ્નપ્રસંગોમાં ફોટો અને વિડિયોનું ચલણ ખૂબ વધી ગયું છે. ફોટોગ્રાફરો પણ પ્રસંગને યાદગાર બનાવવા વર-વધૂના વિવિધ પોઝ અને સ્ટાઇલમાં ફોટો પાડતા હોય છે. સોશ્યલ મીડિયા પર એક વિડિયો વાઇરલ થયો છે, જેમાં સ્ટેજ પર ઊભેલાં વર-વધૂના ફોટો લઈ રહેલો ફોટોગ્રાફર વરને સહેજ દૂર ખસેડીને નવવધૂનો ક્લોઝ-અપ લેવા તેની સહેજ વધુ નજીક ગયો હતો. જોકે વરનો પિત્તો જતાં તેણે ફોટોગ્રાફરને એક લાફો ઠોકી દીધો હતો. જોકે વરની આ હરકત પર નવવધૂએ આપેલી પ્રતિક્રિયાએ આખી બાજી સંભાળી લીધી હતી.

વરે ફોટોગ્રાફરને લાફો માર્યો એ જોઈને નવવધૂ શબ્દશ: લોટપોટ થઈને હસવા માંડી હતી જેને કારણે આખી ઘટના ગંભીર થવાને બદલે હાસ્યાસ્પદ બની ગઈ હતી. નેટિઝન્સે નવવધૂને વખાણતાં કહ્યું કે તેની પ્રતિક્રિયાએ કૅમેરામૅનને બચાવી તો લીધો જ, પણ પોતાના જીવનના યાદગાર દિવસને પણ બરબાદ થતો બચાવી લીધો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK