પેટ્રોલ-પમ્પના કર્મચારીઓ આજથી ફક્ત એક જ શિફ્ટમાં કામ કરશે
પેટ્રોલ અને ડીઝલના વેચાણ પર મળતા કમિશનમાં વધારો કરવાની માગણી સાથે આ આંદોલન શરૂ કરવામાં આવ્યું છે જેમાં મુંબઈના ૨૪૨ પેટ્રોલ-પમ્પ સહિત મહારાષ્ટ્રના લગભગ ૩૩૦૦ પેટ્રોલ-પમ્પ અને દેશભરના લગભગ ૪૨,૦૦૦ પેટ્રોલ-પમ્પ પર કર્મચારીઓ એક શિફટમાં કામ કરશે. કૉન્ફેડરેશન ઑફ ઇન્ડિયન પેટ્રોલિયમ ડીલર (સીઆઇપીડી)ના જનરલ સેક્રેટરી રવિ શિંદેએ કહ્યું હતું કે ‘જ્યાં સુધી અમારી માગણી પૂરી નહીં થાય ત્યાં સુધી અમે એક શિફ્ટમાં કામ કરીશું. અમે હડતાળ નથી કરી રહ્યા, પરંતુ માણસોની સંખ્યા ઘટાડીને ખર્ચ પર કાપ મૂકી રહ્યા છીએ. અમારી માગણી છે કે અપૂર્વચંદ્ર કમિટીની ભલામણોનો અમલ જલદી કરવામાં આવે.
