PCO પરથી કૉલ કરવા હવે ફોટો આઇડેન્ટિટી કાર્ડ ફરજિયાત

Published: 14th December, 2012 03:11 IST

પોલીસ કન્ટ્રોલને ફોન કરી ખોટી માહિતી આપનાર પર, અફવા પ્રસરાવનાર પર અને આતંકવાદી પ્રવૃત્તિ પર નજર રાખવા પોલીસ ડિપાર્ટમેન્ટે હવે પીસીઓ સ્ટૉલ ચલાવનારાઓને રજિસ્ટર મેઇન્ટેઇન કરવા કહ્યું છે. એમાં ફોન કરવા આવેલા માણસના ફોટો આઇડેન્ટિટી કાર્ડ પરથી તેનું નામ, ઍડ્રેસ અને કૉન્ટૅક્ટ નંબર લખવા જણાવ્યું છે.



અત્યારે મોબાઇલનો છૂટથી ઉપયોગ થતો હોવા છતાં ઓળખ છુપાવવા પીસીઓ, એસટીડી અને આઇએસડીનો ઉપયોગ કરવામાં આવે છે. શંકાસ્પ્ાદ આતંકવાદીઓ પણ એનો ઉપયોગ કરી શકે છે, જ્યારે કેટલાક લોકો અફવા ફેલાવવા માટે અને કેટલાક વ્યક્તિગત દુશ્મનીને કારણે બદલો લેવા એનો ઉપયોગ કરે છે એટળે ફોન કરવા આવતા લોકોની માહિતી રજિસ્ટરમાં લખી મેઇન્ટેઇન કરવા પોલીસે પીસીઓ ઓનર્સને આદેશ આપ્યો છે. પીસીઓ ઓનર્સ અને જે દુકાનોમાં પીસીઓ, એસટીડી અને આઇએસડી લગાડવામાં આવ્યાં છે એ તમામે આ રજિસ્ટર મેઇન્ટેઇન કરવું પડશે અને પોલીસ એનું સમયાંતરે ચેકિંગ કરશે.

પીસીઓ = પબ્લિક કૉલ ઑફિસ

એસટીડી = સબસ્ક્રાઇબર ટ્રન્ક ડાયલિંગ

આઇએસડી = ઇન્ટરનૅશનલ સબસ્ક્રાઇબર ડાયલિંગ

Loading...
 

સંબંધિત સમાચાર

     
    This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK