રસ્તા પર ગંદકી કરી? ફાઇન ભરો અથવા તો સફાઈ કરો

Published: 2nd November, 2011 20:54 IST

રસ્તા પર ગંદકી કરતા નાગરિકો સામે હવે સુધરાઈના ક્લીન-અપ માર્શલો વધુ કડક બન્યા છે અને તેમની પાસેથી દંડ વસૂલ કરે છે અથવા તેમને કચરો સાફ કરવાની ફરજ પાડે છે. ઘાટકોપર (ઈસ્ટ)માં સોમવારે બે જણ સ્ટેશનની નજીક રસ્તા પર થૂંકતા પકડાયા ત્યારે તેમને બે વિકલ્પો આપવામાં આવ્યા : દંડ ભરો અથવા સફાઈ કરો.

 

બન્ને દંડના ૨૦૦ રૂપિયા ભરી શકે એવી સ્થિતિમાં નહોતા એટલે તેમને સફાઈ કરવાની ફરજ પાડવામાં આવી હતી. સુધરાઈના માર્શલોએ એક રૂટીન ઇન્સ્પેક્શન દરમ્યાન વિનોદ ગાવડે અને હમીદ શેખને તમાકુ ખાઈને રસ્તા પર થૂંકતા પકડી પાડ્યા હતા. નૉર્થ ઍન્ડ ઈસ્ટ વૉર્ડના ક્લીન-અપ માર્શલોના સુપરિન્ટેન્ડન્ટ આસિફ ગુજલેએ કહ્યું હતું કે ‘મોટા ભાગના લોકોને ખબર હોય છે કે ક્લીન-અપ માર્શલો નિયમિત રાઉન્ડ મારતા રહેતા હોય છે, પરંતુ તેઓ બેદરકાર બનીને ગંદકી કરતા રહે છે. ગંદકી કરનારા મોટા ભાગના લોકો દંડ ભરવા કે સફાઈ કરવા તૈયાર નથી થતા એટલે અમે તેમને નજીકના પોલીસ-સ્ટેશનમાં લઈ જઈએ છીએ અને પછી જ તેઓ દંડ ભરવા તૈયાર થાય છે.’

ગંદકી કરતા લોકોને દંડ કરવામાં આવતો હોય છે, પરંતુ તેમની પાસેથી સફાઈ કરાવવાનો આઇડિયા વધુ સારો છે એમ જણાવીને સુધરાઈના સૉલિડ વેસ્ટ મૅનેજમેન્ટ ડિપાર્ટમેન્ટના ચીફ એન્જિનિયર ભાલચન્દ્ર માલીએ કહ્યું હતું કે ‘એનાથી લોકો શરમ અને સંકોચ અનુભવશે. આને લીધે નિિતપણે આવા કેસની સંખ્યા ઘટશે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK