હૉસ્પિટલના આ બેડ પર સૂતેલો પેશન્ટ નથી, ખાઈ શકાય એવી કેક છે

Published: 19th February, 2021 10:12 IST | Gujarati Mid-day Correspondent | Washington

સોશ્યલ મીડિયાની વેબસાઇટ્સ પર કેટલીક તસવીરો વાઇરલ

ટ્વિટર અને ફેસબુક જેવી સોશ્યલ મીડિયાની વેબસાઇટ્સ પર કેટલીક તસવીરો વાઇરલ થઈ છે એમાં હૉસ્પિટલના બેડ પર એક માણસ સૂતેલો દેખાય છે. પગ કપાયો હોવા છતાં તેનો ચહેરો હસતો દેખાય છે. બાજુમાં લૅમ્પ અને સાઇડ ટેબલ પર થોડા ફોટોગ્રાફ્સ છે. પ્લેટમાં નાસ્તો લઈને મહિલાએ હાથ લંબાવ્યો હોય એવું પણ દેખાય છે. સાચી લાગે એવી તસવીરો હકીકતમાં બ્રિટનના એક બેકર બૅન કલને બનાવેલી કેક છે. બૅન કલનને સોશ્યલ મીડિયા પર ‘ધ બેક કિંગ’ તરીકે ઓળખવામાં આવે છે. એ હાઇપર રિયલિસ્ટિક કેકની પોસ્ટ સોશ્યલ મીડિયા પર ઘણ‌ી લોકપ્રિય થઈ છે. જેમ રંગોળી, ચિત્રકળા અને થ્રી-ડી ટેક્નૉલૉજી વડે રચાતી તસવીરો જેવી વિવિધ પદ્ધતિઓમાં વાસ્તવિકતા છલકાવાની શક્યતા હોય છે એ રીતે બેકિંગના માધ્યમથી પણ સાચા લાગે એવા આકારની કલાકૃતિઓ રચાતી હોય છે.

Cake

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK