શિકારની શોધમાં હાઇવે પર આવેલો દીપડો પોતે જ શિકાર બની ગયો

Published: 16th February, 2021 12:56 IST | Gujarati Mid Day Correspondent | Palghar

પાલઘરમાં કારે દીપડાને અડફેટમાં લેતાં તેણે જીવ ગુમાવ્યો હતો

બે વર્ષના દીપડાને રવિવારે મોડી રાતે મુંબઈ-અમદાવાદ નૅશનલ હાઇવે પર પાલઘરના સયા-દુર્વેસ ગામમાં એક ઝડપી કારની ટક્કર લાગતાં તેણે જીવ ગુમાવ્યો હતો.

અહીંનાં રેન્જ ફૉરેસ્ટ ઑફિસર નમ્રતા હિરેના જણાવ્યા પ્રમાણે ‘એક અજાણ્યો વાહનચાલક પાલઘરમાં અમદાવાદ હાઇવે તરફ જતો હતો ત્યારે તેના વાહનની દીપડા સાથે ટક્કર થઈ હતી. હાઇવે પર દીપડો ક્રૉસિંગ કરી રહ્યો હતો. માથામાં અને પાંસળીના પાંજરામાં ઈજાઓ થવાને કારણે દીપડાનું ઘટનાસ્થળે જ મોત નીપજ્યું હતું. પાલઘર પશુ હૉસ્પિટલના પોસ્ટમૉર્ટમ રિપોર્ટની રાહ જોઈ રહ્યા છીએ, જ્યારે ગઈ કાલે બપોરે અમે ડેડ-બૉડીને સળગાવી દીધી હતી. દીપડો શિકાર અને પાણીની શોધમાં હાઈવે પર આવ્યો હોવાની શક્યતા છે. મનોર પોલીસે અજાણ્યા વાહનચાલક વિરુદ્ધ કેસ નોંધ્યો છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK