પાલઘરમાં સહકર્મી પર બળાત્કાર બદલ ડૉક્ટર સામે ગુનો નોંધાયો
પ્રતીકાત્મક તસવીર
રાજ્યના પાલઘર જિલ્લાની પોલીસે મુંબઈસ્થિત એક ડૉક્ટર સામે તેના સહકર્મી પર બળાત્કાર કરવાના ગુનામાં કેસ નોંધ્યો હોવાનું એક અધિકારીએ ગઈ કાલે જણાવ્યું હતું.
30 વર્ષની મહિલાએ દહાણુ પોલીસ સ્ટેશનમાં ફરિયાદ નોંધાવતાં આક્ષેપ કરતાં કહ્યું હતું કે લગ્નનું વચન આપીને આરોપીએ જુલાઈ, 2018થી સપ્ટેમ્બર, 2020 સુધીના સમયગાળામાં તેના પર અનેક વાર બળાત્કાર કર્યો હતો. આરોપી સાથેના સંબંધથી તે ગર્ભવતી બની હતી તથા આરોપીએ તેની મરજી વિરુદ્ધ તેનો ગર્ભપાત કરાવ્યો હોવાનું પણ તેણે ફરિયાદમાં જણાવ્યું હતું.
ADVERTISEMENT
ગર્ભપાતનો વિરોધ કરતાં ડૉક્ટરે તેના વાંધાજનક વિડિયો જાહેર પ્લૅટફૉર્મ પર મૂકવાની ધમકી આપી હતી. ડૉક્ટર તેનો પીછો કરતો હતો તેમ જ તેને ત્રાસ પણ આપી રહ્યો હોવાનું તેની ફરિયાદમાં જણાવાયું હતું.
દહાણુ પોલીસ સ્ટેશનના અધિકારીએ જણાવ્યું હતું કે મહિલાની ફરિયાદ નોંધવામાં આવી છે. જોકે હજી સુધી કોઈની ધરપકડ કરવામાં આવી નથી.
