પાકિસ્તાનમાં અમેરિકાના વિરોધમાં હિંસક દેખાવો, સેના બોલાવવી પડી

Published: 21st September, 2012 04:47 IST

પાકિસ્તાનની રાજધાની ઇસ્લામાબાદમાં ગઈ કાલે ઇસ્લામવિરોધી અમેરિકી ફિલ્મ ‘ઇનોસન્સ ઑફ મુસ્લિમ્સ’નો વિરોધ કરવા ઊમટેલા એક હજારથી વધુ લોકો અને પોલીસ વચ્ચે અથડામણ થઈ હતી.


લોકો એટલી હદે બેકાબૂ બન્યા હતા કે તેમને કન્ટ્રોલ કરવા સૈન્ય બોલાવવાની ફરજ પડી હતી. ફિલ્મનો વિરોધ કરી રહેલા લોકો અમેરિકા સહિતના દેશોના દૂતાવાસ આવેલા છે એ વિસ્તારમાં ઘૂસવાનો પ્રયાસ કરી રહ્યા હતા. દેખાવકારોમાં મોટા ભાગના સ્ટુડન્ટ્સ હતા. પોલીસે ઉગ્ર ટોળાને રોકવા ટિયર ગૅસના શેલ છોડ્યા બાદ ગોળીબાર પણ કર્યો હતો, જેમાં ૧૧ લોકો ઘાયલ થયા હતા. ગુસ્સે થયેલા લોકોએ પોલીસ પર પથ્થરમારો કર્યો હતો. જે વિસ્તારમાં હિંસક દેખાવો થયા હતા ત્યાં અમેરિકા, બ્રિટન અને ફ્રાન્સ સહિતના પશ્ચિમી દેશોના દૂતાવાસ આવેલા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK