પાકિસ્તાનમાં અમેરિકાના વિરોધમાં હિંસક દેખાવો, સેના બોલાવવી પડી
લોકો એટલી હદે બેકાબૂ બન્યા હતા કે તેમને કન્ટ્રોલ કરવા સૈન્ય બોલાવવાની ફરજ પડી હતી. ફિલ્મનો વિરોધ કરી રહેલા લોકો અમેરિકા સહિતના દેશોના દૂતાવાસ આવેલા છે એ વિસ્તારમાં ઘૂસવાનો પ્રયાસ કરી રહ્યા હતા. દેખાવકારોમાં મોટા ભાગના સ્ટુડન્ટ્સ હતા. પોલીસે ઉગ્ર ટોળાને રોકવા ટિયર ગૅસના શેલ છોડ્યા બાદ ગોળીબાર પણ કર્યો હતો, જેમાં ૧૧ લોકો ઘાયલ થયા હતા. ગુસ્સે થયેલા લોકોએ પોલીસ પર પથ્થરમારો કર્યો હતો. જે વિસ્તારમાં હિંસક દેખાવો થયા હતા ત્યાં અમેરિકા, બ્રિટન અને ફ્રાન્સ સહિતના પશ્ચિમી દેશોના દૂતાવાસ આવેલા છે.
