પાકિસ્તાનમાં કુરાનનું અપમાન કરનારને જીવતો સળગાવી દેવાયો

Published: 23rd December, 2012 04:40 IST

પાકિસ્તાનમાં પવિત્ર કુરાનનું અપમાન કરનારને ગુસ્સે થયેલી ભીડે પોલીસ-સ્ટેશનમાં ઘૂસીને જીવતો સળગાવી દીધો હતો.

આ ઘટના પાકિસ્તાનના સિંધ પ્રાંતના સીતા નામના ગામમાં બની હતી. ગામના ઇમામ મૌલવી મેમણે કહ્યું હતું કે કુરાનનું અપમાન કરનાર માણસ પ્રવાસી હતો. તેણે ગામની મસ્જિદમાં રાત ગાળી હતી. એ પછી સવારે મસ્જિદમાં કુરાન સળગેલી હાલતમાં મળી આવ્યું હતું. આખી રાત મસ્જિદમાં માત્ર તે એક જ વ્યક્તિ હતી. બાદમાં ગામના લોકોએ તેને સખત માર મારીને પોલીસને સોંપી દીધો હતો. એ પછી કેટલાક કલાકો બાદ અંદાજે ૧૦૦૦ લોકોનું ટોળું પોલીસ-સ્ટેશનમાં ઘૂસી આવ્યું હતું, ટોળાએ કુરાનનું અપમાન કરનારને માર મારીને બહાર ખેંચી લાવ્યા હતા અને એ પછી તેને સળગાવી દીધો હતો. પાકિસ્તાનમાં અલ્લાહની નિંદા બદલ મોતની સજાની જોગવાઈ છે. ઇસ્લામ વિરુદ્ધ કંઈક લખવું કે બોલવું એ પણ ગુનો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK