સ્કૂલના મેઇન ગેટ પાસે ગટરને ઢાંકણું જ નથી

સ્કૂલના મેઇન ગેટ પાસે ગટરને ઢાંકણું જ નથી

આ ફરિયાદ કરતાં એક બાળકના વાલીએ મિડ-ડે LOCALને કહ્યું હતું કે ‘લાયન્સ સ્પોર્ટ્સ ક્લબમાંથી વિઠ્ઠલભાઈ પટેલ રોડ પર આવવાના મેઇન ગેટ પરનું જ ગટરનું ઢાંકણું ઘણા લાંબા સમયથી ખુલ્લું છે. આ ગેટમાંથી સેંકડો બાળકો તેમનાં મા-બાપ સાથે આ ફૂટપાથનો ઉપયોગ કરે છે. આમ છતાં આ ગટરના તૂટેલા ઢાંકણાના સ્થાને નવું નાખવા માટે સુધરાઈ તરફથી કોઈ પગલાં લેવામાં આવ્યાં નથી. આ જ રીતે અહીંની ફૂટપાથ પરથી પેવર બ્લૉક્સ ઊખડી ગયા છે જે ચાલતા સમયે બાળકોને વાગે છે. ક્યારેક તો બાળકો તેમની મસ્તીના મૂડમાં આ ફૂટપાથ પર દોડાદોડી કરતાં પડી જાય છે. સુધરાઈએ આ બાબતમાં ત્વરિત પગલાં લઈ ગટરના ઢાંકણા અને ફૂટપાથનું નૂતનીકરણ હાથ ધરવું જોઈએ.’