૧૭ જાન્યુઆરીએ ઇસરો સૌથી તાકાતવર ઉપગ્રહ જીસેટ-૩૦ લૉન્ચ કરશે

Published: Jan 14, 2020, 15:50 IST | Mumbai Desk

આ ઉપગ્રહથી દેશની કમ્યુનિકેશન વ્યવસ્થા વધારે મજબૂત થશે : રાતે ૨.૩૫ વાગ્યે લૉન્ચિંગ, જીસેટનું વજન ૩૧૦૦ કિલો, ફ્રેન્ચ ગુએનાના કોરોઉના બેઝથી લૉન્ચ થશે

ઇસરો ૧૭ જાન્યુઆરીએ દેશનો સૌથી તાકાતવર કમ્યુનિકેશન ઉપગ્રહ જીસેટ-૩૦ લૉન્ચ કરવાની છે. આ ઉપગ્રહના લૉન્ચ થયા પછી દેશની કમ્યુનિકેશન વ્યવસ્થા વધારે મજબૂત થશે. એની મદદથી દેશમાં નવી ઇન્ટરનેટ ટેક્નૉલૉજી લાવવામાં આવે એવી શક્યતા છે. એ સાથે જ દેશમાં જ્યાં મોબાઇલ નેટવર્ક નથી ત્યાં પણ નેટવર્ક ડેવલપ કરીને સંચાર માધ્યમને સરળ બનાવવામાં આવશે.
ઇસરો જીસેટ-૩૦ યુરોપિયન હેવી રૉકેટ એરિયન-ફાઈ ઈસીએ દ્વારા ૧૭ જાન્યુઆરીએ રાત્રે ૨.૩૫ વાગે લૉન્ચ કરશે. જીસેટ-૩૦નું વજન અંદાજે ૩૧૦૦ કિલો છે. એ ઇન્સેટ સૅટેલાઇટની જેમ કામ કરશે. આ સૅટેલાઇટને ફ્રેન્ચ ગુએનાના કોરોઉના લૉન્ચ બેઝથી લૉન્ચ કરવામાં આવશે. જીસેટ-૩૦ જીએસએટી સીરિઝનો સૌથી તાકાતવર કમ્યુનિકેશન સૅટેલાઇટ છે. એની મદદથી દેશના સંચાર માધ્યમમાં ઘણો સુધારો આવશે. અત્યારે જીસેટ સીરિઝના ૧૪ સૅટેલાઇટ કામ કરી રહ્યાં છે. એના કારણે જ દેશમાં સંચાર માધ્યમ વ્યવસ્થા જળવાયેલી છે.
જીસેટ-૩૦ની મદદથી દેશનું સંચાર માધ્યમ, ટીવી પ્રસારણ, સૅટેલાઇટ દ્વારા સમાચાર મૅનેજમેન્ટ, સમાજ માટે કામ આવતી જિયો સ્પેશ્યલ સુવિધાઓ, હવામાન સંબંધીત માહિતી અને ભવિષ્યવાણી, કુદરતી દુર્ઘટનાઓની પૂર્વ માહિતી, રિસર્ચ-રેસ્ક્યુ ઑપરેશનમાં ફાયદો થશે.
આ સૅટેલાઇટ લૉન્ચ થયા પછી ૧૫ વર્ષ સુધી ભારત માટે કામ કરશે. એને જિયો-ઇલિપ્ટિકલ ઑર્બિટમાં સ્થાપિત કરવામાં આવશે. એમાં બે સોલર પૅનલ હશે અને બૅટરી હશે જે એને ઊર્જા પૂરી પાડશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK