મહિલા પોલીસે સિંહ સાથે કરી હાથોહાથની લડાઈ
મહિલા પોલીસે સિંહ સાથે કરી હાથોહાથની લડાઈ
સોશ્યલ મીડિયા પર એક વિડિયો વાઇરલ થયો છે, જેમાં કોલોરાડો ડેપ્યુટી પર એક માઉન્ટેન લાયન હુમલો કરે છે. લારીમર કાઉન્ટી શૅરિફની ઑફિસના ડેપ્યુટી પર લવલૅન્ડમાં સિંહે હુમલો કર્યો હતો. બપોરે લગભગ દોઢેક વાગ્યે સિંહે શહેરના જ એક નાગરિક પર હુમલો કરતાં પોલીસને જાણ કરવામાં આવી હતી. વિડિયોમાં જોવા મળી રહ્યું હતું કે રોષે ભરાયેલો લગભગ ૬ ફુટ લાંબો સિંહ મહિલા પોલીસ પર કૂદ્યો અને તેને નહોર મારવા જઈ રહ્યો હતો, જ્યારે પોલીસે પોતાના હાથથી તેને શરીર પરથી હટાવ્યો અને એનો વાર નિષ્ફળ બનાવ્યો. એ જ સમયે સહ-કર્મચારી પોલીસે તેને ખદેડતાં સિંહ નાસી છૂટ્યો હતો. જોકે પછીથી પોલીસે સિંહને ગોળી મારીને મારી નાખ્યો હતો.
આ પણ વાંચો : 73 વર્ષનાં આ દાદીને જિમમાં કસરત કરતાં જોશો તો દંગ રહી જશો
ADVERTISEMENT
મહિલા પોલીસ અને અન્ય ઈજાગ્રસ્ત નાગરિકને નજીકની હૉસ્પિટલમાં દાખલ કરવામાં આવ્યાં હતાં. મહિલા પોલીસની તબિયત સુધારા પર છે.