ક્રૅશ થયેલા હેલિકૉપ્ટરનું પૈડું પડતાં છત તૂટી ગઈ
હેલિકૉપ્ટરનું પૈડું પડતાં છત તૂટી ગઈ
અમેરિકાના ઇલિનોઇમાં લિન્ડા ટેઇલર અને તેનો પરિવાર શનિવારે સાંજે ડિનર માટે બહાર ગયા હતા. તેઓ રાતે ઘરે આવ્યા અને તેની દીકરી પહેલા માળે આવેલી તેની રૂમના બાથરૂમમાં ગઈ ત્યારે એની છત તૂટેલી હતી અને એક પૈડું અંદર સુધી આવી ગયેલું. પહેલી નજરે તો ખબર ન પડી કે આ વ્હીલ શાનું છે એટલે તેણે ચીસો પાડીને આખા પરિવારને એકઠો કરી દીધો. તરત જ પોલીસને ફોન કરીને બોલાવવામાં આવી અને ફાયર-ફાઇટર્સની ટીમને પણ ઇન્ફોર્મ કરવામાં આવી.
આ પણ વાંચો : પોલીસ-સ્ટેશનમાં ઇન્સ્પેક્ટરને વાંદરાએ આપ્યો મસ્ત હેડમસાજ
ADVERTISEMENT
ફાયર ચીફે આવીને છતની ઉપર જઈને આ શાનું વ્હીલ છે એ તપાસ્યું ત્યારે ખબર પડી કે નજીકમાં ક્રેશ થયેલા હેલિકૉપ્ટરનું આ છૂટું પડેલું પૈડું છે. ચીફનું કહેવું છે કે તેની ૩૦-૪૦ વર્ષની કરીઅરમાં તેણે કદી આવો કેસ જોયો નથી.