પાંચ વર્ષનો છોકરો તેની મમ્મીની કાર લઈને લમ્બોર્ગિની ખરીદવા નીકળ્યો

પાંચ વર્ષનો છોકરો તેની મમ્મીની કાર લઈને લમ્બોર્ગિની ખરીદવા નીકળ્યો

પાંચ વર્ષનો છોકરો લમ્બોર્ગિની ખરીદવા નીકળ્યો

મમ્મીએ લમ્બોર્ગિની કાર લઈ આપવાની ના પાડી એટલે પાંચ વર્ષનો ટાબરિયો તેની મમ્મીની કાર લઈને ભાગી છૂટ્યો. જોકે તે સહેજે બે માઇલ જેટલું હંકારી ગયો હશે ત્યાં પોલીસે તેને ઝડપી લીધો. યુટાહ રાજ્યના હાઇવે પૅટ્રોલ ઑફિસરે જ્યારે કારને રોકી ત્યારે શરૂઆતમાં તેને લાગ્યું કે કોઈ અક્ષમ વ્યક્તિ કાર હંકારી રહ્યો છે, પરંતુ ડ્રાઇવિંગ સીટ પર પાંચ વર્ષના નાના ટાબરિયાને જોઈને તે આશ્ચર્યમાં પડી ગયો.

ઑફિસરને મુંઝાતા જોઈને આ ટાબરિયો તેમને સમજાવે છે કે હકીકતમાં આ કાર તેની મમ્મીની છે. તેનાં મમ્મી-પપ્પા ઑફિસ ગયાં છે અને તેનાં મોટાં બાઈ-બહેન તેનું ધ્યાન રાખી રહ્યાં હતાં. તેણે ઘરમાં આવતા બેબી સીટરની નજર ચુકાવીને મમ્મીની કારની ચાવી સેરવી લીધી છે. ભાઈસાહેબ ખિસ્સામાં ત્રણ ડૉલર લઈને તેની સ્વપ્નની સુપર કાર લમ્બોર્ગિની ખરીદવા માટે કૅલિફૉર્નિયા જઈ રહ્યા હતા.

ADVERTISEMENT

તેના ઘરથી કૅલિફૉર્નિયા લગભગ 12 કલાકના ડ્રાઇવ બાદ પહોંચી શકાય છે. કાર લેવા માટે ઘરેથી ભાગી જવા માટેનું કારણ આપતાં આ ટાબરિયો કહે છે કે તેનાં માતા-પિતાએ કાર લઈ આપવાની ના પાડી છે એટલે તેણે છુપાઈને આમ કરવું પડ્યું હતું. ઑફિસરે આ આખી ઘટનાને ટ્વિટર પર મૂકી છે, જેને લોકોનો બહોળો પ્રતિસાદ મળ્યો છે.