સ્પેનમાં એકાંતવાસ સહન ન થતાં આ ભાઈ ડાયનાસૉર બનીને ફરવા નીકળી પડ્યા

Published: Mar 20, 2020, 07:59 IST | Gujarati Mid-day Correspondent | Spain

કોરોના વાઇરસને કારણે અનેક દેશોમાં લોકોને ઘરમાં ભરાઈ રહેવું પડે છે. સ્પેન એમાંનો એક દેશ છે.

આ ભાઈ ડાયનાસૉર બનીને ફરવા નીકળી પડ્યા
આ ભાઈ ડાયનાસૉર બનીને ફરવા નીકળી પડ્યા

કોરોના વાઇરસને કારણે અનેક દેશોમાં લોકોને ઘરમાં ભરાઈ રહેવું પડે છે. સ્પેન એમાંનો એક દેશ છે. જોકે અહીંના મુર્સિયા શહેરના  એક ભાઈથી એકાંતવાસ સહન ન થતાં તેઓ ડાયનાસૉરના આકારનો જાયન્ટ ટી-રેક્સ કૉસ્ચ્યુમ પહેરીને બહાર નીકળી પડ્યા હતા. તેમના આવા વિચિત્ર વેશને કારણે બધા તેમની સામે જોયા કરતા હતા. પોલીસ પણ આશ્ચર્ય રોકી ન શકી. એક પોલીસ અધિકારીએ એનો વિડિયો ઉતારીને  ટ્વિટર પર પોસ્ટ કર્યો છે. વિડિયોમાં જોઈ શકાય છે કે પોલીસે તેને રોકીને થોડી પૂછપરછ કરી ત્યાર બાદ એ માણસ ઘર તરફ પાછો વળ્યો હતો. 

ટ્વિટર પર પોસ્ટની નીચે લખેલી કૅપ્શનમાં લખ્યું છે કે ઇમર્જન્સીમાં પાળેલા પશુ સાથે એક જણ બહાર નીકળી શકે છે. પશુઓને રાહત માટે ટૂંકા અંતર સુધી ચલાવવું. જોકે એ પશુઓની યાદીમાં ડાયનોસૉરનો સમાવેશ નથી એટલે ઘરમાં રહો એ જ સારું. આ પોસ્ટના ૫૦ લાખ વ્યુ અને ૬૧,૦૦૦ રીટ્વીટ થયાં છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK