સામાન પહોંચાડવા માટે કેદારનાથમાં દાદરા પર ટ્રૅક્ટર ચડાવી દીધું આ ભાઈએ
કેદારનાથમાં દાદરા પર ટ્રૅક્ટર ચડાવી દીધું
કેદારનાથમાં બાંધકામકાર્ય હાથ ધરવામાં આવ્યું છે જેમાં ઇલેક્ટ્રિક પાવર સ્ટેશન પણ ઊભું કરવામાં આવી રહ્યું છે. પાવર સ્ટેશન બનાવવા માટે અનેક પડકારનો સામનો કરવો પડે છે અને અહીં ભારે મશીનો પહોંચાડવામાં પણ મુશ્કેલી પડી રહી છે. તાજેતરમાં કેદારનાથનો એક વિડિયો સોશ્યલ મીડિયા પર વાઇરલ થયો છે જેમાં કેદારનાથમાં મશીનોને ઉપર પહોંચાડવાની જવાબદારી લેનારા શખસે ભારે વજનનાં મશીનોને ટ્રૅક્ટર પર લાદીને એને કેદારનાથ ધામની સીડીઓ પર ચડાવી દીધું હતું.
આ પણ વાંચો : સોના અને ચાંદી પછી હવે એલઈડી માસ્ક આવી ગયા છે
ADVERTISEMENT
વિડિયોમાં જોઈ શકાય છે કે સીડી પર એક ટ્રૅક્ટર ચાલી રહ્યું છે, મશીન બાંધ્યું છે જેને પાછળ રસ્સીથી બાંધવામાં આવ્યું છે. જોકે ટ્રૅક્ટર ગુલાંટ ન ખાઈ જાય એટલે બૅલૅન્સમાં રાખવા માટે એના આગળના ભાગમાં થોડા લોકો પણ બેસી ગયા છે અને મશીનને તેઓએ પકડી રાખ્યું છે. જોકે વાઇરલ થયેલા આ વિડિયોને જોયા બાદ જિલ્લાના વહીવટી તંત્રએ કેદારનાથ ધામ પર ટ્રૅક્ટરથી સામાન લઈ જવા પર મનાઈ ફરમાવી છે. દાદરા પર ટ્રૅક્ટર ચડાવવાનું અળવીતરું કામ તો ભારતના લોકોને જ સૂઝે. બરાબરને?