ત્રણ બહેનોએ એક જ હૉસ્પિટલમાં એક જ દિવસે બાળકોને જન્મ આપ્યો
ત્રણ બહેનોએ એક જ દિવસમાં સાથે બાળકોને જન્મ આપ્યો
એક જ દિવસમાં લગભગ અનેક બાળકો જન્મ લેતાં હોય છે એમાં ઘણાં જોડિયાં પણ જન્મ લેતાં હોય છે. જોકે એક જ માને જોડિયા કે ત્રણ દીકરા જન્મે એ હવે નવાઈની વાત નથી રહી પરંતુ એક જ દિવસે એક જ હૉસ્પિટલમાં ત્રણ સગી બહેનોને બાળક જન્મે એ ચોક્કસ અજાયબીની વાત છે. ઓહાયોની હેલ્થ મેન્સફિલ્ડ હૉસ્પિટલમાં સાડાચાર કલાકના અંતરાલમાં ત્રણ સગી બહેનોએ બાળકોને જન્મ આપ્યો હતો.
આ પણ વાંચો : IAS અધિકારીએ પોતાનું રિઝલ્ટ બતાવીને કહ્યું, આંકડા તમારું ભવિષ્ય નક્કી નથી કરતા
ADVERTISEMENT
દનિશા હેન્સ, એરિયલ વિલિયમ્સ અને ઍશલી હેન્સ નામની ત્રણ બહેનોએ ત્રીજી જુલાઈએ એક જ હૉસ્પિટલમાં તેમનાં બાળકોને જન્મ આપ્યો હતો જેમાં એરિયલે સૌપ્રથમ પુત્રી સિન્સિયરને જન્મ આપ્યો જે 8 પાઉન્ડ 2 ઔંસ વજનની હતી. ત્યાર બાદ ઍશલીએ 6 પાઉન્ડ 10 ઔંસ વજનના પુત્ર એડ્રિઓનને અને દનિશાએ 4 પાઉન્ડ 14 ઔંસ વજનના પુત્ર એમ્રીને જન્મ આપ્યો હતો. ત્રણે બહેનો આ ઘટનાને ઈશ્વરનો તેમના પરનો આશીર્વાદ ગણે છે. ત્રણ સગી બહેનો એક જ દિવસમાં બાળકોને જન્મ આપે એવી ઘટના પાંચ કરોડમાંથી એક વાર બનતી ઘટના છે. હવે આ ત્રણેય મસિયાઈ ભાઈ-બહેનોને અલગ-અલગ બર્થ-ડે પાર્ટી નહીં ગોઠવવી પડે.