પેલેસ્ટીનની આ છે એકમાત્ર મહિલા ટૅક્સી-ડ્રાઇવર
મહિલા ટૅક્સી ડ્રાઈવર
કેટલાક આરબ દેશોમાં જ્યાં મહિલાઓને ડ્રાઇવિંગ કરવાની છૂટ હજી ગણતરીનાં વર્ષો પહેલાં મળી છે ત્યાં એક મહિલા ટૅક્સી ચલાવીને ગુજરાન ચલાવતી હોય એ ખરેખર આશ્ચર્ય અને ગૌરવની વાત કહેવાય. ૩૯ વર્ષની મીતા નાએલા અબુ જિબ્બા આરબ દેશોમાં કદાચ પહેલી ટૅક્સી-ડ્રાઇવર છે. પેલેસ્ટીનની એ હિંમતવાન મહિલા પાંચ બાળકોની માતા છે. મીતા સોશ્યલ મીડિયા પર ભરપૂર કટાક્ષ અને ટીકા સહન કરે છે, પણ એનાથી જરાય ચલિત નથી થઈ. પેલેસ્ટીનની આ એકમાત્ર મહિલા ટૅક્સી-ડ્રાઇવર હોવા બદલ તેને ગૌરવ તો કદી મળ્યું નથી, પરંતુ ચોમેરથી ટીકાનો સામનો કરવો પડે છે. ઍડ્વાન્સમાં ટૅક્સી બુક કરાવનાર પૅસેન્જર જ્યારે ટૅક્સી લઈને કોઈ મહિલા આવી છે એ જુએ છે ત્યારે ભલભલાની બોલતી બંધ થઈ જાય છે.