ડૉગીને દાદરા ચડવા-ઊતરવામાં મુશ્કેલી ન પડે એટલે બનાવી ટૉય-બસ લિફ્ટ

Published: Jun 27, 2020, 08:04 IST | Gujarati Mid-day Correspondent | London

પાળેલા ડૉગીને સંધિવા હોવાથી એના માલિકે બનાવી છે દાદરા ચડવા-ઊતરવામાં મુશ્કેલી ન પડે એવી ટૉય-બસ લિફ્ટ

ટૉય-બસ લિફ્ટ
ટૉય-બસ લિફ્ટ

શ્વાન એ માણસોનો શ્રેષ્ઠ મિત્ર છે અને તેઓ માનવો પ્રત્યેનો પ્રેમ બતાવવા માટે કોઈ પણ હદે જાય છે, તો બીજી તરફ કેટલાક શ્વાનપ્રેમીઓ પણ તેમના આ મિત્રોને આરામદાયક અનુભવો કરાવવા માટે શક્ય એટલી કોશિશ કરે છે.

એક ટ્વિટર-યુઝરે પોસ્ટ કરેલી વિડિયો-ક્લિપમાં લંડન સિટી બસની એક સુંદર નાની પ્રતિકૃતિ પર ડૉગી બેઠેલો દેખાય છે, જે સીડી પરના રૅમ્પ પર જોડાયેલી છે. આ લંડન સિટી બસ વાસ્તવમાં એક સ્ટેરલિફ્ટ છે અને એ ધીરે-ધીરે ડૉગીને લઈને નીચે આવે છે.

વાત જાણે એમ છે કે લિયોભાઈ સંધિવાથી પીડાતો હોવાથી એના માલિકે આ વિશેષ મેકૅનિઝમની રચના કરી છે અને એને કારણે જ્યારે પણ એને સીડી પર ચડવું કે ઊતરવું હોય ત્યારે આ ડૉગ‌િ લિફ્ટ-બસમાં બેસી જાય છે. સોશ્યલ મીડિયા-યુઝર્સનું કહેવું છે કે જો શ્રેષ્ઠ ડૉગ ઓનર્સનો અવૉર્ડ કોઈને આપવાનો હોય તો લિયોના માલિકને જ મળવો જોઈએ.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK