સોશ્યલ મીડિયામાં આ નાચતી ભેંસે તો તહેલકો મચાવી દીધો

Published: 1st January, 2021 06:43 IST | Mumbai

જ્યારે સામેવાળાને ખૂબ સમજાવ્યા છતાં તેને વાત ગળે ઉતારી ન શકો ત્યારે મોંમાંથી પેલી કહેવત નીકળી જાય, ‘ભૈંસ કે આગે બીન બજાના.’

નાચતી ભેંસ
નાચતી ભેંસ

જ્યારે સામેવાળાને ખૂબ સમજાવ્યા છતાં તેને વાત ગળે ઉતારી ન શકો ત્યારે મોંમાંથી પેલી કહેવત નીકળી જાય, ‘ભૈંસ કે આગે બીન બજાના.’ મતલબ કે ભેંસની આગળ તમે ગમેએટલી બીન વગાડો એને કોઈ અસર થવાની નથી. બીન સાંભળીને ભેંસ નાચવાની નથી. જોકે આ કહેવતને સાવ જ ખોટી પાડી દે એવો એક વિડિયો ઇન્ટરનેટ પર વાઇરલ થયો છે, જેમાં એક ભેંસ એની માલિક સાથે ડાન્સ કરતી દેખાય છે. વિડિયો હિમાચલ પ્રદેશના એક ગામડાનો છે.

વિડિયોમાં એક મહિલા નાચતાં અને ગાતાં ભેંસને પોતાની સાથે ડાન્સ કરવા પ્રોત્સાહિત કરતી જોવા મળે છે. ધાબળો ઓઢાડેલી અને દોરીથી બાંધેલી આ ભેંસ મહિલાના પ્રોત્સાહન બાદ પહેલાં માથું ધુણાવવાનું શરૂ કરે છે અને એક તબક્કે તો ભેંસ એકદમ ઉત્સાહથી ચાર પગે ઊછળકૂદ કરીને નાચવા માંડતાં એને ઓઢાળડેલો ધાબળો પડી જાય છે. આ વિડિયો નેટિઝન્સને ખૂબ પસંદ પડ્યો છે. મહિલા અને ભેંસનો ડાન્સ ભલભલાને હસાવી દે એવો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK